(أسرار) خلطات العناية الكاملة والطبيعية لمشاكل البشرة من BK- SilkySkin
بسم الله الرحمن الرحيم
http://silkyskinshop.com/images/logo.png
شلونكم حبايبي عساكم بخير وصحه وعافية , حبيت انزل هالموضوع عشان افيد حبايبي واساعدهم باغلب مشاكل البشرة والله يقدرني انشاء الله
جهزوا ورقه وقلم عشان نبدي
ملاحظة: المهم الاستمرار بالخلطات والنصائح الي بقولها لانها راح تفيدكم بإذن الله ولانها من اسرار الخلطات الطبيعية ما اعتقد تحصلونها باي منتدى او بمكان ثاني ( خلطات ونصائح مضمونة من SilkySkin )
بإسم الله الرحمن الرحين
اول شي نبتدي بمشكلة توحيد لون البشره ومشكلة سواد الركب والأكواع :
اول سبب لسواد الاكواع والركب ( الاحتكاك الزائد ) والتفريك القوي وقت السباحه
لازم نحاول نتجنب الفرك ونهتم بالترطيب لهل الاماكن
لا تفركين الركب والأكواع ( يكفي تنظيفهم بالصابون الطبيعي (والسنفره الناعمه مره في الاسبوع )وترطيبهم )
خلطة للترطيب والعناية بالاكواع والركب: ( طبيعية 100% ومضمونة بإذن الرحمن )
- 50 مللي من زيت اللوز المر
- 30 مللي زيت الخروع
- 30 مللي زيت حبة الركة
- 50 مللي زيت جنين القمح
- 70 جرام من زبدة الشيا
تتذوب زبدة الشيا بحمام مائي وتنضاف عليها الزيوت بعدين تنطرينها تجمد وتضربينها بالخلاط
سنفرة للركب والأكواع:
- 30 جرام نشا
- 50 مللي ماء ورد اصلي وطبيعي
- 70 جرام زبد بحر مطحون
- 30 مللي زيت ليمون
- 20 مللي زيت زيتون عصرة اولى على البارد!
اهم شي الترطيب المستمر لهالاماكن وعدم المبالغة بالتفريك لانه راح يزيد الطين بله !
الحين العناية بالجسم كامل:
العناية المفروضه للجسم ( نظافه + ترطيب + تغذية )
بالنسبة لنظافة الجسم نحتاج سنفرة ناعمه + صابون طبيعي:
سنفرة الجسم:
- 100 جرام سكر ابيض
- 30 مللي زيت ليمون
- 30 مللي زيت برتقال
- 40 مللي زيت لوز حلو
- 70 جرام زبد بحر مطحون
ينخلطون مع بعض وتفركين جسمج تفريك خفيف لمدة 3 او 5 دقايق
بالنسبه للصابون استعملي الصابون الافريقي ( لانه مفييييد لتنظيف المسامات ورواسب الدهون وصج يفتح الاماكن الغامجه في الجسم مثل: سواد بين الافخاذ واماكن ثانية بعد )
تقدرين تستعملينه للجسم والشعر والوجه.
بعد السنفرة والصابون الافريقي ( الترطييييييييييييييب )
الحين الترطيب:
حبايبي الترطيب مهم للبشره وخصوصا اذا استعملتي مواد طبيعية للترطيب ومغذيه بنفس الوقت
خلطة ترطيب الجسم بعد السباحه:
- 200 جرام زبدة شيا
- 70 مللي زيت لوز حلو
- 30زيت برتقال ( غني بالفيتامين سي للتفتيح الطبيعي وبنفس الوقت يخلي ريحة الخلطه حلوه )
- 50 مللي زيت زيتون (أصلي)
- 30 مللي زيت جنين القمح
- 20 جرام كركم الجسم ( حسب التقبل ) بس مفيييد
هالخلطة مفيدة للترطيب + التغذيه + تعطي نعووووووومة البيبي للجسم مع الاستمرار + تعالج التشققات الي بالجسم + هم توحد لون البشرة وريحتها روووعه وطبيعية 100%
ملاحظة: تقدرين تستعملينها للاماكن الحساسه وراح تعطي نتيجه عجيبة .
وبالنسبه للسيلوليت هذي خلطة فعاله بإذن الله:
- 40 جرام زبدة شيا
- 60 مللي زيت الزنجبيل
- 60 مللي زيت البرتقال
- 30 مللي زيت القريب فروت
- 30 مللي زيت ابرة الراعي ( الحامل لا تحطه بالخلطه )
تنخلط الزيوت مع زبدة الشيا وتنضرب بالخلاط ( هالخلطه تستعملينها كل يوم ) ويفضل بعد استعمالها تمارسين رياضه خفيف أو تستعملين جهاز المساج عشان تشوفين النتيجه اسرع!!
والحين دوم مشاكل بشرة الوجه:
مشكله البشرة الدهنية والمختلطة:
الحل الفعال والأكيد الصابون الافريقي مرتين في اليوم قبل النوم والصبح لما تصحين
بعد ما تغسلين ويهج تنشفينه تستعملين كريم مرطب طبيعي
خلطة للبشرة الدهنية:
-30 مللي زيت الشاي
-20 مللي زيت الليمون
-30 مللي زيت البندق
- 10 مللي زيت حبة البركة ( الحبة السوداء)
تنخلط هالزيوت مع بعض وتستعمل لترطيب البشرة الدهنية وعلاج حب الشباب
تحطين كمية بسيطه على ويهج قبل النوم أو عند الحاجه
وانشاء الله ما اكون مقصرة واتمنى للجميع دوام الصحة والعافية والجمال والصلاح بامور الدنيا والدين.
الاهتمام بالبشرة والجسم والشعر من ضروريات الأنوثة وشي مهم في حياة كل أنثى تسعى للجمال والتميز , ولا ننسى الإهتمام بجمال روحنا وأخلاقنا وعفتنا , MiSS B.K
وانا موجوده لاي استفسار أو سؤال وسامحوني على الإطالة.
والي تجرب اي خلطة من الموضوع لا تنسى تذكر تجربتها !
تحياتي:eh_s(7):
