خبزة على حطب السمر بالصور
بسم الله الرحمن الرحيم
خبز جداتنا الله يرحمهن جربوها بنات بيعجبكن كثير حلو فطور يعني (ريوق) مع سمن وعسل
أو أي شي أتحبينه معاها
نبدأ بالمقادير
2 كوب دقيق بر + كوب ماء +نص ملعقة أكل ملح +نص ملعقة خميرة
نحط كل المقادير ونعجن مثل اللي بالصورة
وهذي العجينة بعد ماخلصت عجن نتركها تخمر
هنا بعد ما أخمرت وباين متفوخة
أنسخن أول شي الصاج عشان الخبزة تطلع بسهولة بعدين نفرد العجينة بالصاج مثل ما تشوفون
ملاحظة يا بنات أرفعوا الصاج شوي من على الحطب مو تحطونا على الحطب على طول بعدين تحترق الخبزة وما تستوي من داخل أنا حطيت فحمة من أتجاهين عشان أرفعة شوي
بتلاحظين أنها حمرة من تحت بعدين تقومين بقلب الصاج مثل ما تشوفون
نظرة من أسفل الخبزة
خلصت الحمدلله
أنتظري خمس دقايق بعدين حاولي أطلعينها مثل ما بالصورة
الخبزة من تحت
ومثل ما قلت لكم بنات إذا حابة أي شي معاها ينفع
وبالعافية
