أحس اني مهم بالدولة

السلام عليكم ورحمة الله وبركاته
تصدقون يااخواني الأعزاء جاتني فترة حسيت اني مهم بالدولة لدرجة اني بديت اشوف نفسي على من حولي
بس بعد فترة بداءت اقراء مواضيع اخواني الاعضاء وحسيت ان جميع الأعضاء مهمين بالدولة
تعرفون ليش؟؟؟؟؟؟؟؟؟؟!!!!!!!!!!!!




لأني كل ماأشتري سهم واقعد فيه زززززززززمن واسمع كلام الاأخوان الأعزاء إللي يقولون اصبروا بس مثل ماتعرفون للصبر حدود ثم ابيع السهم بعد فترة زمن طويلة مع الاسف وهو نازل اومكانك سر ومايمدي من بعت إلا بسم الرحمن الرحيم نفر السهم وارتفع وقعدت اتحسر همن دخلت سهم ثاني ونفس الطريقة
هل تتوقعون اننا مراقبين لانه بمجرد مانيع يرتفع السهم
لدرجة اني بديت اتحدى مع بعض معارفي تتحدى اخلي السهم الفلاني يرتفع ويتحدى المسكين مايدري اني مهم بالدولة ( مصدق نفسي اني مهم والله اني ادري اننا مستهدفين ) واروح وابيع همن يرتفع السهم ويقعد المسيكين يحلفني كيف عرفت ويقول والله انك خطير همن يصدق هو بعد اني مهم بالدولة واني هامور واعرف علوم السوق مايدري انه مضحوكن على وخسران لين اذني.

اعضاء منتدانا الغالين بس والله مدري انتم بعد مهمين ولا لا
اقولكم شي بعد يضحك ويبكي
جاء عندي خوينا المسكين المصدق اني مهم يقولي تكفى شفلي سهم زين واروح وادله على سهمي ويدخل فيه وبعد مااتأكد انه شراء اروح وابيع واقوله هالحين يرتفع السهم ويرتفع السهم فعلا !!!!
اخواني اكتب لكم وانا والله متحسر وقلبي بيقطع على دراهمي ممكن تشرحولي اللي يحصل لاني شوي واجن ؟؟؟؟
سامحوني بس نار في قلبي بغيتكم تطفوها