اللهم احرسني من عين نظرت إلي ولم تذكرك :)..

هاااااي بنااااات

ادري العنوان يبط الجبد احس ياييين بـ شركم تقولون و ويعة يدي شهالثقه :eh_s(14)::D

شلوؤنــكم بنات عسآكم بخير وبصــحه وعاافيــه..

طبعاً البنات اللي كانوا ظمن تجمعنا اكيد عارفيني :p

وإللي لأ... اتمنى يفيدهم موضوعي هذا..ويعرفوني من خلاله :eh_s(8):

بعد كل هاللويــه والااعصار..والاعصاااب ... والحاله النفسيه اللي كانت من سيء إلى اسوء..
تقدرون تقولون وصلت لي 80% من النتيجه النهائيه للعمليه اللي اجريتها


هذا الموضوع خاص للي اجرت جراحه لأنفها.. او للي قاعده تفكر تسوي
مو حق الطماشه ابداً :p لأنكم ماراح تستفيدون شي

لأن الغايه من الموضوع الفايده .. وعلشان نتفادى الاخطاء اللي طاحوا فيها البعض
وعلشان تكون عندنا فكره عن هالعالم .. وشكثر يبيله صبر واعصاب بارده

حبيت اتكلم عن تجربتي اللي بدت قبل 7 شهور من اليوم.. بكل تفاصيلها حتى الصغنونه..
مع الصور..


واحب انوه ..وبالخط العريض

ما احلل ولا ابيح اي شخص يسيف اي صوره لي حتى لو مو بنيته شر..
إلى يوم الدين..ارجع واقول.. الغايه مو العرض...


بس اللي قاعده الاحظه في هالمنتدى..كل البنات يدشون ويسوون ضجه
ويكونون تجمعات واصواتهم تلعلع بالقسم..

واول مايخلصون من عمليتهم ... مانشوف لهم اثر.. مايفيدون ( طبعا الكلام عن الاغلبيه )
يعني استفيد بس ماودي افيد..

وهذا الشي كان واااااااااااايد يقهرني..واايد ..حتى لما تدزين لهم رساايل خاصه
يردون بكل ارف جنج طاره منهم ..

ترا النصيحه ببلاش :p ماراح ينطلج عرج اذا رديتي بنفس حلوه وبنيه صافيه وجاوبتي بكل ضمير


مابي اكثر كلام

يلا نسووووي زوووووووووووووووووووووم ...

وقبل لا ادش ارجع واقول : ما احلل ولا ابيح اي بنت تسيف صوره لي يوم الدين
ماودي ادعي دعاوي مقززه اكششكم مني :p بس صدقوني حوبتي قشره لأبعد مدى ..

وآخر كلمه بقولها قبل لا ادش >> انشالله ما اذلكم يعني :p

ملاحظه وايد مهمه : اتوقع اسم القسم ..قسم العمليات الجراحيه..
اللي مو يايز لها لا تدشه ..ولا تدخل موضوعي كلش... و اي رد احس راح يشعل فتيله راح اطنشه :D
لا تخربون الموضوع .. لأن كل وحده عقلها براسها ومو محتاجه نصايح ابداً..حتى على الخاص :eh_s(7):
غير مرحب بكم لا تحرجون نفسكم :eh_s(7):





بداية الفكره :

ماكنت من النوع اللي يأيد عمليات التجميل.. ابداً..
ولا تصورت بيوم من الايام اني راح اخوض هالتجربه... لكن سبحان الله كل شي صار بسرعه
و بيوم وليله قررت اسويها واحترت بين ( بشار رباح _ خالد الحربي _ ماجد تقي)

بشار ... كانت احوال سوريه ماتطمن ولا تناسبني ولا قدرت اصلا اني اروح...:) والله ماكتب

خالد الحربي ..اذا ماخاب ظني لأأني ناسيه اسمه ... كان حلمي..بس يقولون بطل يسوي عمليات تجميليه :) الله يثبته

ماجد تقي كان خيار اخير... لأن صغير بالنسبه لبقية الدكاتره..بس بنفس الوقت فكرت فيها من ناحية ثانيه..قلت اكيد دراسته حديثه ومتطور اكثر ليش انه صغيرون ! ( لحد يعيب على تفكيري )




جكككك بوووم مالقيت نفسي الا بعيادته يوم 26-6 ... قلتله ابي عمليه :) ..
صدمت مخه ...لعدة اسباب: :eh_s(7):
- عمري صغير
- قرار سريع
- خشمي ماكان فيه عيب كبير..


اللي عجبني فيه ماقالي تبينه نفس هيفا ولا نانسي ولا ميسا..نفس باجي الدكاتره
قالي بسويلجياه طبيعي وعلى ملامحج مجرد تصحيح لا اكثر ولا اقل ..ولأن انا عندي وجنه طبيعيه
مايلوق لي الخشم الصغير حيل..راح يبين شكلي غلط...



واهلي لي آخر لحظه مو امأيدين الفكره كلش..ولا كانت تحوس بينا ..


عموما ...تحدد موعد العمليه يوم 7-7-2011.. طبعاً بعد ماسويت 3 تحاليل

2 منهم بالمستوصف و واحد مو متوفر بالمستوصف فـ سويته بعياده خاصه وكلفني اتوقع 10 دنانير
جمعت نتايج التحاليل وتوكلت على رب العالمين :)..



بدا الفلم يوم 7-7-2011...مستشفى المواساة الساعه 8 صباحاً..




لحد يتصور ان التجربه سهله... كافي بس الاعصاب والخوف من النتيجه..

طبعاً قبله بيوم حفيت ويهي كله وقصيت اضافري وشلت طابور التراجي اللي بأذوني
وحيولي الللي ما استغنى عنهم.... وكنت صايمه ...وكنت اقول كله يهووون :bbbiu:



دخلت المواساة الصبح... طبعاً دخلت الغرفه و مابقى دكتور ماياني..
سألوني مليون سؤال...( فيج حساسيه / فيج ربو / و و و و إلخ ..؟؟)

الحمدلله مافيني شي... عطوني اكثر من ابره .. و وصلوا الدرب..وقالولي قطي كل هدومج
حتى الاندر وير ولبست لبس العمليات...



http://www.m5zn.com/uploads2/2012/1/...1tku89pujk.bmp


طبعاً شكلي بالصوره سمره لأن كان صيف :P

كل شوي داش علي دكتور... وعلى هالوضع ساعتين..

لين سحبوني الساعه 12 الظهر على الاذان.. و ودوني الـ waiting ...

يتني دكتوره سلمت علي وعرفتني عليها قالتلي انا دكتورة البنج..

مصريه.. قالتلي ابيج تتذكرين شغله وحده ومهمه..اول ماتفتحين عينج من البنج تنفسي من حلجج
لأن خشم راح يكون مسكر من الفتايل.. لا تتنفسين فيه كلش..




وشفت الدكتور ماجد دخل علي واهو ماسك كاميرا بيده ( نسيت اقولكم انه اهوا اللي صورني بمكتبه بالعياده يعني مايبت صور من عندي ) قالي هاااا شلونج ؟؟

طبعا ماعرفني لاني مو حاطه مكياج و ويهي ايييب العافيه :p

وهني وصيته دكتور ابيه طبيييييييييييييييعي لا تسويني مايكل جاكسون ..
قالي تطمني ويهج اهوا ويهي تخيلي روحج داشه دكتور اسنان :)..




لحد يرد الا لما اكمل تكفووون لا تخربون الموضوع :*
لاحقين