سبحانك مااكرمك ياربي قصتي العظيمه مع الاستغفار

السلام عليكم ورحمه الله وبركاته خواتي الحبيبات بمنتدى كويتيات اعجبني حيل هذا الموضوع وحبيت انقله لكم




باقولكم قصتي مع الاستغفار والله العظيم شئ غريب انا مو مصدقة الى الآن

يمكن يكون شئ بسيط بس أثر فيني كثييييير


انا حامل ولله الحمد وحاليا في الشهرالثامن الله يسهل عليا وعلى باقيالحوامل ويرزق اللي يتمنون الحمل بالذرية الصالحة

لما كنت في الشهر السادس طلبت من زوجي مبلغ علشان اتقضى للنونو .قال مافي داعي للتكاليف خلاص غسلي ملابس اخوانه ولبسيه .وطبعا انتم عارفين ان الملابس تبين قديمة واوانها باهتة. واحس خاطري مكسور على النونو نفسي اشتريله اشياء جديدة.

ولما صرت في آخر السابع طلبت من زوجي فلوس علشان اغراض النفاس. وانتم عارفين كم تكلف. قام قاللي كم يعني خمسين والا مية كم تبغي .والله بلعت غصة بحلقي .لأني ما عندي احد يعطيني فلوس غيره. أبويا ما يعطيني ريال واخواني واحد موظف وما يعطيني ريال ولا حتى هللة والثانين صغار .والله بغيت ابكي .قلت له هاذي الاغراض مرة تكلف .وقلت له ثلاثمية .وانا في بالي الف ريال يادوب تكفي اشياء من الصيدلية ومن العطار وبعض الملابس والاغراض .قام قال ثلاثمية بس مافوقها ريال .قلت طيب

اتمنيت الف ريال طيب ?

الموقف الثاني زرت وحدة صديقتي نفاس ماشاء الله عليها قالت لي زوجها وعدها بعد النفاس بيعطيها ستة آلاف ريال تتقضى فيهم اللي تبغاه .والله ما حسدتها .بس حسيت انكسر قلبي. ما معي اللي اشتري بيه الضروريات.

وفي يوم قلت لازم اداوم على الاستغفار ومن يوم دخل رمضان وانا اسبح واستغفر . ولا أزكي نفسي على الله وطبعا كم مرة بالرزق


المفاجأة


امانة امسكوا قلوبكم وقولوا ماشاء الله تبارك الرحمن

جا اول يوم في العيد واعطاني ابو زوجي. حماي الله يطول بعمره ويخليه أعطاني في يدي عيدية الف ريال. اقسم بالله العظيم الف ريال نفس المبلغ اللي تمنيته .وعلى فكرة هو ماعمره اعطاني عيدية .كان يوزع عيدية على بناته وانا موجودة في المكان نفسه بس سويت نفسي مشغولة بولدي قام وناداني واعطاني الألف وانا كان نفسي اسلم على رجوله من كثر ما إني محتاجة المبلغ لكن شكرت الله في داخلي وشكرت عمي بقوة

المفاجأة الثانية

عندي طقم الشبكة ذهب ابيض صغير ومرة مو حلو وفي العيد بغيت البسه وانكسر .قام زوجي قاللي بيعيه افضل خلاص ماعاد ينفع
وانا فرحت لاني ماكان يعجبني وقلت اكيد بيجيب لي مبلغ

تعرفوا كم طلع سعره يوم بعته ? ستة آلاف ريال اقسم بالله العظيم نفس المبلغ اللي قالت لي صديقتي عليه .وانتم ماتتخيلوا الطقم كيف كان يفشل ومكسور وصغير بس هاذي تدابير من الله اللهم لك الحمد كما ينبغي لجلال وجهك ولعظيم سلطانك


وهذا الاستغفار والتسبيح يمكن اقل من شهر لأني مو كل الأيام كنت القى وقت بس كنت احب اختلي بنفسي واستغفر بخاتم التسبيح اقل شئ الف مرة ولله المنة والفضل من قبل ومن بعد

ورحت اشتريت اشياء وخليت لي مبلغ في البنك علشان ما انذل لأحد بعد كذا. الله يغنيني عن خلقه




اختكم ذكرى الفجر :eh_s(17):