صح حنا كثيرين بس هم احسن !!
السلام عليكم ورحمة الله وبركاته
شخباركم يَ زعماء , ان شاء الله تمام مع الاجازه
لا يختلف اثنان على ان نادي الهلال هو اكثر نادي جماهيري على مستوى المملكة
وشعبيته طاغية في جميع انحائها وتشهد له معدلات الحضور في جميع الملاعب الا ماندر ان وجد
نتفق جميعا على ان الجانب النفسي له دور مهم في تحويل اللاعب الكيس الى لاعب وحش تجده يتحرك في جميع انحاء الملعب وحاشا الله ان يكون لدينا اكياس بالفريق
لكن كنت فاضي وقاعد انتظر مباراة كلاسيكو الارض الملـ :smilie47:ـكي وبرشلونه
جلست اطقطق ع اليوتيوب المهم جالس اشوف كليبات هلاليه ودخلت ع اهازيج الانديه
صراحه يعني اعجبني النشيد الاهلاوي والاتحادي يعني صراحه تجدهم متفاعلين مع الرابطه وكلهم بصوت واحد مع اننا اكثر منهم لكن في الطرب غطوا علينا
يعني و الله انا من الناس الي ينطرب من الجمهور , ترى الجمهور له دور كبير في الفوز يعني تخيل معي مهزوم واحد صفر ضد الاتحاد الله لا يقوله زين والدقيقه 75 والجمهور كله يشجع راح يتحمس اللاعب ويبذل كله مابوسعه عشان تطلع فرحان
يعني لا احد يقول راح نحضر بكثره ماعلينا . و الله لو الحضور 20 الف وكلهم ((( مشجعين ))) افضل من 50 الف وفيهم (( متفرجين )) لازم نشد حيلنا ياخي اذا رجعت من المباراة تدخل اليوتيوب تشوف مقاطع المباراة تستانس ع طرب الجمهور
كل الاعلام متفقين على ان الجمهور هم حلاوة كرة القدم لازم يطلع لنا صوت لازم نتعاون مع الاتراس ومجلس الجمهور ونبتعد عن الفرجه حنا جايين للملعب نبي نستانس ونفوز موب بس نفوز اذا ستانست راح ينطربون اللعيبه وراح يبدعون يعني العمليه طرديه
راح احط لكم الرابط
نادي الاهلي :
النشيد الاهلاوي الرسمي في مباراة الاهلي والهلال - YouTube
شوفوا لعيبتنا في الثانيه 44 و الله واقفين يناظرون في الجمهور كنهم يقولون ياحظكم
ليتنا مكانكم
اتمنى الحضور والمؤازره اهم شي المؤازره
وشاكر لكم ولا تحرمونا من ردودكم
