قطاوة جده ... تخطط لمشاركة زعماء آسيا واجهة الدره ... إدخل لتسجيل حضورك

السلام عليكم

مسائكم خير ومسرات يارب :wub:



بعد تصريح المهندس سلمان النمشان مدير ستاد الملك فهد الدولي بأنه لا يوجد هناك تقسم للمدرجات في مباراة الزعيم والإتهاد , لاحظت بأن جماهير الإتهاد في مستنقعهم يخططون على الواجهه لمشاركة الزعيم فيها !! :laugh:


لا ومن زود البجاحه والوقاحه يقولون إحنا أولى فيها ؟!!! :mad:

أولى في أيش يانيجيري ؟!! s121s الظاهر إنهم يحسبون إن المباراه في نيجيريا وحنا ماندري !!:s4s:



ومثل مالكل يعرف بأن قوانين تقسيم المدرجات ماتتطبق الا في مباريات الهلال وبس
:ranting:

طبقوها في مباراتنا مع الإتهاد في كأس الملك الموسم الماضي:yes: , وطبقوها قبل أسبوع تقريبا في مباراتنا مع الطحالب !! :to:


والآن المباراه على أرضنا ويقولون من حقنا !! :mad: قسم بالله بجاحه من جد


المهم


هذي صوره تبين خططهم لكيفية مشاركة جماهير الزعيم لواجهة الملعب

واذا تبون الصراحه محد عطاهم وجه الا حنا ياجماهير الهلال :mad:





















http://www.6ow6.com/up/uploads/7ml13274778631.jpg



ياناس فكونا من التبطح في الإستراحات وغيرها :mad:


قسم بالله إني من سكان المزاحميه وبإذن الله راح أحضر المباراه ووراي دوام يوم السبت 8 الصباح :cry: يعني ماراح أرجع للبيت الا من 11 الى 12 نص الليل
مع إحتمالية تمديد المباراه لأشواط إضافيه _بس بإذن الله الهلال راح ينهيها من الأشواط الأصليه _ فلو قلنا إن المباراه وصلت للأشواط الإضافيه معناته إنها ماراح تنتهي الا 10 ونص الى 11 إلا ربع وعليكم الحسبه :yes:



لكن كل شي يهون لعيون الزعيم :ba1::ba:

وانا كل مقصدي من هذا الموضوع هو لتشجيع الزعماء القريبين من الملعب

ياناس قسم بالله شيء مخجل في كل مباراه للهلال في الرياض نحصل اغلبية المواضيع لاشخاص جايين للمباراه من خارج الرياض !! :cry:

طيب واهل الرياض وينهم ؟:mad:

اللي جاي من بريده واللي جاي من مكه واللي جاي من الطايف واللي جاي من الشرقيه وغيرهم كثييييييييييير
:ba1::ba:

بس وين أهل الرياض ؟

والله في البيت ياكلون فصفص ويتابعون تعليق نقشبندي !! :mad:



الموضوع فقط للتشجيع فقط

ولكي نربي قطاوة جده ونوريهم قدرهم بأن مالهم مكان في الرياض اصلا

والزعيم قدها وقدود في مكان وفي كل ستاد بإذن الله تعالى :ba::ba1:


بمشيئة الله
حاضرين حاضرين لعيون الزعيم

:ba1::ba:

وترا لو شفنا الإتهاديات متبطحين في الواجه قسم بالله إنها فضيحه لنا كجمهور هلالي

:mad:



رجاء لانقعد نطالب إدارة النادي بالمطالبه بتقسيم المدرجات لأننا ياما وياما طالبنا بحقوق النادي وإدارتنا عاطفيه بشكل خيالي , وماتحب المشاكل والتصاريح اللي مالها لزمه , والكل شاف وقرا خبر المطالبه بحقوق خالد عزيز مع إنها لاتسمن وتغني من جوع بس المطالبه بتقسيم المدرجات لجمهور الزعيم محد حارك ساكن فيها :ranting:




لذلك

نبي جمهور الزعيم يأخذ حقه بيده والحمد لله ماحنا بحاجه لا تقسيم المدرجات ولا تصريح من سلمان النمشان :yes:

وبإذن الله يوم الجمعه هو يوم مسخرة الإتهاد في الرياض بإذن الله عزوجل :ba1:


الله يوفقنا يارب :smilie47::rose:


واتمنى من المشرفين عدم حذف الموضوع الله يرحم والديكم
كل مانزلت موضوع حذفتوه :cry: