أمهات .. بنات .. خوات .. تعالوا نتفادى الحوادث ايللي ماكانت عالبال

السلام عليكم

موضوعي يا بنات عن الأمور ايللي تصيرلنا مع عيالنا أو خواننا و خواتنا الصغار ايللي ما كنتي حاطتها ببالج و صارت


والهدف من الموضوع إن نقي عيالنا من هالأخطار .. فكل وحدة مرت بتجربة أو شافتها تفيدنا فيها و تذكرها


راح أبدي بسم الله



أول شي أنبهكم على موقف صارلي مع بنتي الله يحفظها و يخليها لي يا رب

كانت نايمة بسريرها ما وعيت صرختها من قمه راسها .. أثاري واهي تقلب ريلها طلعت برة السرير و قلبت مرة ثانية فريلها لفت معاها

عشان تفهمون الصورة أكثر السرير مثل هالطريقة والريل برة والجسم داخل



http://up2.q8yat.com/uploads/images/...cf94c19aac.jpg




.. فالحل يا بنات إنكم تحوطون السرير بهالقطعة من داخل


http://up2.q8yat.com/uploads/images/...f67a59b2ef.jpg





ثانيا الدراي .. خصوصا درايات سنتر بوينت تصير طريقة الكرسي كبس فالياهل ينط ينط يتفجج الكبس و يي الياهل على ويهه والله ستر ما صارت الطقة قوية




ثالثا كرسي مذر كير للطعام


http://up2.q8yat.com/uploads/images/...922ebb632c.jpg



حرصي دايما على إنج تربطين الحزام لما توكلين الياهل أو تقعدينه بالكرسي بروحه لا تقولين مافي مجال يتحرك فيه ولا يطلع شوفة عيني شلون بنتي بغت تزلق من تحت .. الله يحفظها يارب



أي واير تشوفينه حتى لو قصير شيليه من مداره ترى الياهل بسهولة يلفة على جسمه أو رقبته



هذا ايللي يحضرني الحين من المواقف والأكشنات ايللي صارت معاي و إذا تذكرت موقف أرد أكتبه انشالله


واترك المجال لكم عسى الله يحفظ عيالنا و عيالكم من كل مكروه و يسلمهم من كل سو قولوا آمين

:yaaaaaarb: