أسعد الأوقات للجميع
وهنا أضع بكل خجل هذه المتواضعة
لعلها ترتقي لسمو ذائقتكم
[poem=font="Simplified Arabic,5,blue,bold,italic" bkcolor="transparent" bkimage="" border="double,9,blue" type=1 line=1 align=center use=sp num="0,black"]
ول ياغرو ٍعن البيض به ميزه=بالحلا والزين والملح يمتازي
عايش ٍ بالغي عالي بتجهيزه=لاهو بنجدي ولا هوب بحجازي
بين الإهرامات والنيل والجيزه=رابي ٍ سيد العذارى يابوغازي
عاش من نقاه وأشر له الفيزه=له جمال ٍ باهر يقص الأفيازي
عن تفاصيله تكفي مواجيزه=لويطول الشرح يكفيك الإيجازي
يجهر ويصعب على العين تمييزه= للفرص نهاز ياوي نهازي
لاشبح بالعين ياقو تركيزه= له وفيه ويمه القلب منحازي
من عيونه صوبتني مخاريزه= كل رمش ٍ به ثمانين مخرازي
وإن غمز لي ذبت من ربع تغميزه= كن يصلا بالحشا نار خبازي
وإن تبختر بان مشيه بتهميزه=كنه مركب بالأقدام هزازي
لاعني لكن ماأحلا لعاويزه=غالي ومتمكن وبالحشا لازي
صوره قلبي وبروز براويزه=وحط له من حنية الصدر بروازي
له شروط وله مطاليب تعجيزه=معلن ٍعجزي وهو كله إعجازي
والوكاد إنه عن البيض به ميزه=بالحلا والزين والملح يمتازي[/poem]
أبوسبّيل
