ابي اعرف اسراركم بتعطير الجسم،،يلا ياااخبيرات

السلام عليكم خواتي
انا سالفتي مع تعطير الجسم سالفه
عندي سبري من بودي شوب وفيكتوريا سيكرت واللوشنات اللي تكون مع العطور الفرنسيه بس احس ولاشئ منهم نفع
اول شئ ريحتهم تكون على حلاو وورد وانا لاعت جبدي من هالنوعيه لان ابي ريحة جسمي تكون على بخور وهن عوود او ريحة اطفال لان في بنات ماشاءالله يمرون على بالسوق او الدوام سواءا حر او برد واحس ريحتهم نظافه وريحة بيبيات مع ريحة بخور
انا ابخر ملابسي وارش جسمي بهالسبراي بس ماكو فايده بالحر والرطوبه احس ريحتي بسرعة تقلب واستحي لما ارد البيت وريلي موجود لان احس ريحتي خااايسه مع اني والله نظيفه واتسبح واتدهن بس ريحتي ماتشوق نفس البنات
الحين ودي اللي تشارك تقولنا شنو احسن دهن العود للجسم ومن وين وشنو احسن بخوور للملابس واحسن بودره معطره للجسم من محلات دهن العود واحسن كلونيا ريحتها ريحة اطفال نظاف وبعد بعرف شلون اخلي ريحة الملابس تكون حلوه شنو احسن نوع صابون للملابس يعطي نعومه وريحه حلوه للملابس
بنات انا لما اطلع للسوق مااحط عطور عشان جذيه ابي التعطر والريحه السنعه تكون بجسمي مو بالملابس
ياليت تردون وماتبخلون عليناا لان انا بنفاس وابي اتسنع بعد مااطلع من الاربعين