يالله تعالو بما اني مندس جتني الفرصة ... تدرونما اطلع الا وقت الخساير ... جابكم الله تعالو

طبعا ولله الحمد والمنه لم اتأثر من الخسارة طبعا لاني متعود وصار عندي مناعه ... اقسم بالي رفع السماء قبل كم سنة كنت اذا فاز الهلال على النصر اني ما انوم من القهر والحسرة الان ابشركم صار الوضع عندي عادي ... وغير هذا كله كنت متوقع فوز الهلال بس بصراحة ما توقعهتا اربعة ... خصوصا وان الهلال في اسوء حالاته ...
عموما حبايبي انا كتبت موضوع قبل فترة التسجيل بثلاث ايام وقلت لكم يجب المطالبة بالاعبيين اجانب على مستوى ونبي بديل لعبده برناوي وصانع لعب وقلب دفاع ومهاجم وطبعا الجميع ضحك على والي قال الفترة ما بدت لسا وانت جاي تطالب .. والي يقول خير ان شاء الله تبي تغير كل الفريق ... اسالكم بالله برناوي يستحق يمثل النصر .. مالك وش استفدنا منه .. ريان بلال خلاص هذا اكثر ماعنده هدف باليد ويخب .. عدنان فلاته خخخخخ بالله وش اخباره ... اكمل ولا خلاص ... يا جماعة الخير من ثلاث شهور والجميع عارف ان الهلال ما راح يلعب له العربي وهرماش ... يعني مايبي لها شي يا كحيلان ... وانتو مشكلتكم العجلة ... القصد كان يا حبايبي انك تجيب لاعبين في اسرع وقت للانسجام علشان مباراة اليوم وطبعا اخرتها الكوري هههههههه والبرازيلي الي بنشوفه بعد شهر وبوقاش الي ما يندرا عن اصابة والله يستر منها .... اليوم فرصة غاليه وللاسف ضيعها النصر كالعادة ...
بالله لو لاعبين اجانب الهلال كم بتكون النتيجة ... يا ناس يا بشر خلاص النصر الان مفلس اداريا ... ولا من متى يجي للنصر اداري ويقول انا متنازل عن رواتبي ... بالله هذا تصريح ...
وين الي كان يقول الهلال يفوز بسبب الاجانب ...
قلناها لكم الهلال يفوز بسبب 1- نواف العابد 2- عبدالعزيز الدوسري . 3- سلمان الفرج .4- سالم الدوسري . 5- سلطان البيشي . 6- حسن خيرات . 7- سلطان البيشي ... لاعبين صغار والتجانس بينهم ميه في الميه وهذا هو الصح .... وفاق مرارتي النصر عنده كم لاعب صغار عليهم الكلام بس للاسف مالهم فرصه ولا حظ ...
عرفتو السبب ....
لما قلنا الهلال يجهز لاعبين صغار طلعو علينا اعضاء المنتدى الغالي وقالو لا تجيب طاري الهلال ولا تحطهم مثل ... يا ناس يا بشر كبرو عقولكم شوي ...
اقسم بالله لو اجيب بنقالي سباك واقوله تعال وش رايك عزيز له اكثر من سبع شهور مالعب كورة وش رايك صديق تلعبه ولا لا بالعقل والمنطق بيقول لا ... يا ناس يا بشر اي فكر هذا واي احتراف ..
بالله المدرب وش عاجبه في شراحيلي ... لو كنتو تابعون الفريق الالومبي راح تعرفون ان نكبت الاولمبي هو شراحيلي ...
عموما الحل بسيط وسهل وفيه وقت والله فيه وقت
الحل :
استقالة رئيس النادي لانه بصراحة اثبت انه مفلس اداريا وماله مع الكورة حظ ...
اقالة المدرب وجميع الاجانب
رئيس جديد محب للنادي وتكاتوف جميع اعضاء الشرف وجلب مدرب من طينة باوزا ولا جريتس ... لاعبين اجانب على مستوى فالديفيا ولا اليكس والاعضاء ما قصرو عرضو عينا لاعبين بالهبل
تغير الطاقم الاداري كامل واحضار الهريفي يوسف خميس واول واحد يكون موجود ماجد عبد الله .... والله ما هي صعبة فيه وقت فترة التسجيل باقي فيها اكثر من عشر ايام ...
طبعا انا كتبت لكم هالكلام وانا مندس لذلك احبائي اتمنا الرد يكون باسلوب راقي مهما كان ردك بس لا تاخذ سيئات علشان كلام كله في الهواء ....
كحيلان : نصيحة قدم استقالتك واترك الكورة لانك راح تخسر ناس كثير وايضا للاسف النصر راح يخسر من جماهيره كثير
موفقين خير وان شاء الله نعوضها