شوربة الطماط بالعدس أوصلت و يا حلاتها بهل البرد شربي و تدفي
السلام عليكم
شلونكم مع هل البرد القارص... اليوم يبت لكم شوربه نعم انها لذيذه و تدفي بهل البرد...
ألا و هيه شوربة الطماط بالعدس...
المقادير:
5 حبات طماط كبار مقشر
5 أكواب ماي
نص كوب عدس برتقالي مفيوح
2 مكعب ماجي
نص كيس شوربة خضار
نص كيس شوربة شعيرية الدجاج
6 ملاعق شوفان ( كويكر )
قبضة يد شبت مفروم
قبضة يد كزبره مفرومه
1 ملعقة طعام معجون طماط
البهارات:
ملح و فلفل أسود ونص ملعقة صغيره كمون و رشة كركم
الطريقه:
يقشر الطماطم و يقطع ويوضع في خلاط العصير ...
يفوح العدس حتى ينضج و يصفى من الماء و يترك جانبا...
تالي تاخذين جدر و تحطين فيه الطماط المضروب بالخلاط والعدس ( لكن العدس ما تحطينه بالخلاص مجرد تفوحينه فقط و تضيفينه على الشوربه ) ( هذي سر النكهه لا تحطين العدس بالخلاط يطلع الطعم اخف و أحلى ) والماي وتضيفين باقي المقادير من شوربة الخضار والمكعب الماجي و البهارات و الكزبره و الشبت و معجون الطماط و الشوفان...
وتتركينه على نار هاديه و أنتي عاد تتحكمين في قوام الشوربه أذا شفتيها وايد يامده تقدرين تضيفين لها ماي ... و أذا ما احتاجت عادي...
ولا تنسين تعصيرين عليها شوية ليمون قبل ما تشربينها...
و يا سلام نعم انها تدفي بهل البرد ...
طبقي و ذوقي و احكمي ...
