المثل يقول أهل مكه ادرى بشعابها وخذو العلم عن محسن العيسى

السلام عليكم ورحمة الله وبركاتة

كيفكم ياجمهور الراقي

شايف العالم قااايمه على محسن العيسى والي يقول مانعرفه والي يقول جايبين لاعب فريقه خسر كل المبارايات

طبعا انا من المدينة واعرف محسن واعرف لعبه واقسم بالله انه مايعرفني ولا تربطنا اي صلة قرابة عشان مااحد يقول انت منحاز له وتدافع عنه

اللاعب فنان ويملك فكر كروي وعنده مشكلة على حسب معرفتي انه حساس شوي مع الاصابات ويغيب عن المباريات بسبب الاصابات المتكررة والله اعلم هذا الي اعرفه

طبعا اللاعب في بداية الموسم او بالاصح قبل بداية الموسم كانت في عروض جديه له من نادي الاتحاد ونادي النصر بس ماادري ايش الي عكر الصفقات وربك مااراد انه يوقع لاي نادي فيهم

والموسم الماضي كان الاهلي يبغا يجيبه مع فايز الخيبري من الانصار لكن تعكرت الصفقة وجا فايز الخيبري ومحسن ماوقع

وعلى كلام الشباب في المنتدى ان اللاعب وقع اليوم مع النادي

والله يااخوان اللاعب ممتاز بس مشكلته الاصابات على حد علمي ومااتوقع انه اساسي لكن راح يكون خير بديل لمن هو اساسي في الملعب وراح يثبت نفسه بسرعة

ومايعجبني في اللاعب هدوءه وحسه التهديفي رغم انه مو مهاجم وثقته العاليه بنفسه وفكرة الكروي
طبعا الي يشوف كلامي يقول هذا شافي ولا انيستا طبعا انا اقول بشكل عام ان اللاعب يمتلك مميزات عديده لكن اللاعب من الاخير راح يفيد الاهلي وماراح يكون عاله ونقمة على الفريق