معاي يوم بيوم.... تجارب الله يستر
بنات انا من دشيت هالمنتدى ما ادري شصار فيني... كله خلطات وما ادري شنو وكريمات ماسكات. انلعب بمخي :lololoe:
المهم انا الحمدلله من النوع اللي احاف على نفسي ونظافتي,,, بس ما احط كريمات وخلطات وماسكات. يعني حدي شيره لازاله الشعر.. حمام مغربي من فتره لي فتره.. غسول للمنطقه. ومرات يعني اذا اشتطيت, احط ماي ورد على ويهي والمنطقه الحساسه... :rerrerek:
المهم... انا اليوم رحت وشريت جم شغله عشان اجرب من الافطار اللي بالمنتدى.. وربنا يستر..
اولا رح اتكلم عن المشاكل اللي اعاني منها.. وبعدين عن الشغلات اللي بجربها وبقولكم النتيجه اولا باول :eh_s(15): وان شاء الله تكون النتئج مرضيه :yaaaaaarb:
نبلش بالويه... انا بشرتي دهنيه صوب الانف والباجي ناشف لدرجه انه من الحين طلعلي تجاعيد شوي بجيهتي و تحت عيوني :eh_s(16): بس همن التعب والتغذيه لهم اثر طبعا.. بس الحمدلله ما اعاني من حبوب الا شوي تحت صوب الحنج يطعون وقت الدوره.
الانف احسه كله دهوون حتى من داخل... فمكور شوي :bbbiu:
المشكله الثانيه.. الجفاف بصفه عامه بالجسم كله... بعد عندنا يا حرررررر يا بررررد وهذا كله يسبب الجفاف.. بس الحمدلله ما عندي سواد بالمناطق المعتاده يعني الابط, الاصابع, الرقبه, الركب... الحمدلله قولو ما شاء الله. المنطقه الحساسه عندي لونها عادي خاصه انه طول عمري شيره والحين ماكينه فالحمدلله اللون تقريبا نفس باجي الجسم.اغمج بشوي من تحت لاني مرات اخون واشيل موس ههه. بس عالطرف بين وبين الفخذ غامج شويه .
من ناحيه الشعر.. جسمي مو مشعر وايد يعني طبيعي وقليل حييل بايدي وريلي الحمدلله. لكم المنطقه الحساسه معضين ماشاء الله... يعني غذاره بالانتاج سوء بالتوزيع :rgewrg:
الان ناتي للتجارب اللي رح ابلش فيها..
اليوم رح ابلش بصاونه المر والكركم للوجه. يبتها من العطار
الزنجبيل للانف عشان يخفف الدهون .. مطحون فرش من العطار.. خلطته مع ماي
زين النمل لتخفيف الشعر
صابونه فير اند وايت للتقشير
الدكويت فور ورتن اي
زيت اللوز المر.. لشد الصدر.. شاكو ما ادري لقافه ههه يعني ما يمنع ينشد زياده وينعم
------------------------------------------------------------------------------------------------
اليوم الاول......
حطيت الزنجبيل على الانف.. ممم يحرق خليته بس 8 دقايق.
التيجه اني احسه صار انعم وانظف بس من ناحيه الصغر ما ادري.. ليلحين ما بين..
استعملت زيت النمل على المنطقه الحساسه بعد غسلها وازاله الشعر.
استعملت صابونه فير اند وايت بصراحه ليلحين ما شفت نتيجه او فرق.. يمكن من ثاني او ثالث استعمال..
الدكوين فور مع رتن اي رح اجربه بعد 3 ايام عشان الحين قاعده احط زيت النمل..
صابونه المر والكركم ... يعد ما غشلت وفركت ويهي.. يبت قطنه حطيت عليها ماي ورد وكسحت ويهي وعشان ابرد عل خشمي بعد :cxxxp:
بنات اذا عندكم اي نصيحه او شي لا تبخلون علي.. وانا ان شاءالله رح اكون صريحه بالنتائج والله يشهد علي.
ومع الايام رح اجرب بعد خلطات وشغلات شريتها مع الوقت.. بس نشوف نتايج هذيل بالاول..
اتمنى منكم تشاركون بتجاربكم الخاصه مو المنقوله ونخلي الكل يستفيد..
سوري على الاطاله ...
