الي تبي تتبرع لاهل سوريا انا مستعده اتكفل بتوصيله ! اهل سوريا يقتلهم الجوع ساعدوهم !

،


بسم الله الرحمن الرحيم

بنات كلنا نعرف شنو الي قاعد يصير بسوريا؟
وان الي ما مات على يد شبيحة الاسد مات من الجوع !
الجوع بسوريا هد حيل الحريم والشياب والرجال والشباب وذبح الاطفال والرضع


ولله الحمد والمنه ويارب لك الحمد من اول مانزل لنا التمويل الزايد نوديه لسوريا وحيل ينفعهم وحيل يطلبون حليب الاطفال وحليب السفتي واتوقع قليل كويتين يستخدمون حليب سفتي ويحتاجون العيش والسكر والطحين

والي تبي تعرف الطريقه جارتنا وعشرة عمر معاها اهلها بسوريا وبالمدن المحاصره تعرف سوري يدخل لهم الاغراض بالواسطات والخش والدس والبخشيش والحمدلله يوصل لاهل المظاهرات وهذا اهم شي

والحين دقوا واجد سوريين يشتكون من الجوع وان الرضع نشفوا يبون حتى لو حليب سفتي والسكر صار غالي مايقدرون عليه


بنات هذا دورنا وهذا يومنا وهذا الزمن دار وسمعنا لما كنا نقول ياليت نقدر نساعدهم وهذا احنا الحين نقدر نساعدهم وكلمة الله ياخذ بشار ماتنفع بروحها الحين نقدر نساعد بخيشة عيش واهم شي اهم شي اهم شي حليب اطفال حليب سفتي زايد من التمويل وسألو جيرانكم بعد ترى هذي صدقه وشي صغير بعينا بس ممكن يعيش غيرنا ويمده بالقوه ويسد جبده عن الجوع ممكن ينقذ رضيع من الموت


وانا احلف لكم بالله اقسم بالله العلي العظيم اني صاجه بكل كلمه قاعده اكتبها والله العظيم ان كل التبرعات راح توصل لهم وانا عضوه قديمه معاكم واكيد تعرفون مصداقيتي وماراح احط هالحليب والسفتي بجيبي مانبي لافلوس ولا شي بس حليب وطحين والاشياء هذي الدجاج ماينفع لان بيذوب ويخيس بنات ساعدوهم بللي تقدرون عليه ترى اهم بحال مايعلم فيه الا ربي


وانا احلف لكم للمره الثانيه اقسم بالله العلي العظيم ان هالموضوع جاده فيه وان كل التبرعات راح توصل لهم باذن الله تعالى


الي تبي تعرف الطريقه توصله لي بيتي بالمنطقه الرابعه وانا اوصله لجارتنا وهي توصله بطريقتها لهم


والي جاده 100% تدش علي خاص واعطيها رقم امي تتفاهم معاها واتس اب

وبنات ما اقدر اخذ تبرعات اطنان راح اخذ جم كرتون وجم خيشه وعلب حليب وعسى الله ان يكتبه في ميزان حسناتنا يارب


وارفعوا الموضوع بدعوه لهم تراهم بحاجتهااا
منتديات كويتيات hgd jfd jjfvu ghig s,vdh hkh lsju]i hj;tg fj,wdgi ! hig drjgil hg[,u shu],il ;,djdhj lkj]dhj ;,djdhj كويتيات