الفزعه ياوجيه الخير

اغنام - ابل - دواجن - طيور

السلام عليكم ورحمة الله وبركاته




اخواني عندي معزاء عددها تقريباً 58 راس وفيها 13 معها عيالها .. والأغلبيه دفيع على وشك ولادة ولله الحمد قبل اسبوع تقريباً جفره من الجفار اول ولدة لها جاها مرض ( الأغلب انه تسمم حمل ) ضعفت عافت الأكل يالله تقوم بالقوة وكان بطنها يمشي على خفيف وتنزل من لحمها مخاط وديتها بيطري قالي نقص كالسيوم وعطها حقنه 10 سم تحت الجلد من بكرى الجفره ماتت .. بعدها بيومين عندي عنز جاها نفس المشكله وديتها امس البيطري قالي تسمم حمل عطها ابره من شان تطش ولدها لأنها واصله يقول من شان نلحق على الأم لاتموت ... قبلها بفترة عندي عنز طشت عيالها كاملين لكنهم ميتين نازلين بكياسهم .. وقبلها عنزين اصعدن ..

الزبدة البيطري يقول عندك نقص بروتين زود لها الشعير .. مع العلم اني اعطيها نص كيس اخر العصر والصباح اعلفها لبنتين برسيم شد وسط واول العصر لبنة تبن شد طيب بالحيل ..
السؤال هل تشخيص البيطري سليم وهل فعلاً فيها نقص بروتين .. وهل تنصحونن اعطيها مركب الوافي سطل كامل قبل الفطور .. او اعطيها بروتين 18 ... وكل الشكر لكم