حلم غريب وابي تفسيره جزاكم الله خير

السلام عليكم بنات عندي حلم وابي تفسيره الله يخليكم

حلمت اني كأني بيمعه ناس ولويه جذي مكان بره ماعرفه وكنا قاعدين انا وحماتي مع اللويه دشت مرت حماي جان تسلم على حماتي تقولها ها شلونج شخبارج وحماتي ترد عليها بإستهزاء ومطنزه وضغاط مثل لايعه جبدها وعافسه ويها منها المهم مع الكلام جان حماتي تسحب شيلة مرت حماي وتطيح الشيله ويطلع شعرها كان كبه بس افتل طويييييييل واسود ولامع وناعم بس لم افتل ملفلف موسيده مثل حلزوني لان اساسا كان ملفوف جان مرت حماي ترد تلف شعرها تصكه وتقول حق حماتي انا اعلمج بروح اقول حق ريلي وتروح تمشي حق ريلها كان في صاله ثانيه يمنا حق الرياييل وهم كان في رياييل بس ماعرف منو وتروح تقوله وتيي وتنادي حماتي تقولها تعالي ريلي يبيج وحماي يمسك حماتي اخته طبعا تصير بره عند الباب ويحاجيها بينه وبينها وبس

امانه ابي تفسير دقيق وشكرا