حلمي غريب شوي !!

السلام عليكم
مشكورين يامفسرات الاحلام على كل الجهود المبذوله والله يجعل في ميزان حسناتكم يارب :eh_s(17):

حلمي غريب شوي بس لما حلمت فيه خفت وقمت من النوم مفزوعه واصيح :eh_s(16):

انا متزوجه وعندي بنت وان شءالله بنيتي بتكمل سنه على الشهر الجاي
حلمت بأهل زوجي أنهم كاذبين علي هذي مب بنتي بنت حمآتي (مرت اخو زوجي وهي متزوجه قبلي بس ماجابت عيال) ولما دريت انصدمت وعصبت قلت بكل شي خدعتوني وهم يسكتوني مايبني اقول لزوجي يعني مايبون ينفضح قدامي ولما رحت لمه (كل هذا ببيت جدي الله يرحمه بالرياض) كان نايم وقومته واقوله تكذب علي مب بنتي هالبنت بنت فلانه وجا بيقول شي بس سكت وهم وراه يقولون لي اسكتي وقالوا لي شلون صار كذا ان بنتها صارت عندي قالوا ان هي كانت حامل ويوم ولدت ماتبيه وانتي يوم ولدتي مات وخفنا نقطها جبناها لك وقلت طيب وش قالت لناس وين اللي ببطنها قالوا انها قالت انه مات قلت بس انا بربيها ولاكبرت بيجون يخذونها قالوا لا انهم متفقين وموقعين اوراق مع زوجك مالهم حق ياخذون البنت وكأني اتذكر خالتي تقولي خلي لك خصوصيه مع ابوها لاتكون معكم (بالحقيقهوربطت هالشي وانا بالحلم :p) واقول عشان كذا تقولي خالتي كذا وان فيه جهاز اذا قربت بنتي لعمها يطلع احساس اب اتجاهها واذا قربت لزوجي يطلع زي يحن مومتذكره والله
واكلم امي واقولها خلي السواق يجي ياخذني انا خاص ماعاد ابيهم وبنتي تصيح وتقولي سكتيها قلت ماعلي منها مب بنتي
وأسأل خوات زوجي اي مستشفى سوا كذا ووحده من خوات زوجي عطتني اسم مستشفى واسم الدكتوره وقالت هذوي اللي سوتها
وجوا ابوي وعماني وابوي يقولي هذي حياتك واختاري اذا تبين تقعدين او تنفصلين ودخلت للمجلس وقاعده جنبي دكتوره ودخل علي ابو زوجي ( مع العلم انه متوفي من زوجي كان صغير يعني ماقد شفته ابدآ) وجلس وزوجي واقف جنبه ويتكلم ابو زوجي يقولي ماجانا منك الا كل خير يابنت المتعلمين وانا اشوف عيون زوجي وعيونه ندامان زي اللي تقول لاتطلبين الطلاق وقمت خفت وقعدت اصيح ..

أدري طولت عليكم بتقولون قصه مب حلم بس والله استغربت منه وان شاءالله يكون خير :yaaaaaarb:
ولكم مني ك الشكر والتقدير :eh_s(7):