قطوة تقطع القلب بليييييز الكل يدخل

السلام عليكم بنات هاذي اول مشاركة لي بالمنتدى واتمنى ما تخذلوني
اول شي ابي اذكرلكم حديث الرسول صلى الله عليه وسلم*قال: (دخلت امرأة النار في هرة)، أي: في قطة. (حبستها -أي: حبست القطة- فلم تطعمها، ولم تدعها تأكل من خشاش الأرض)،*
بنات انا ساكنه فبيت حمولتي وقبل جم شهر اشترو عندهم قطوة شيرازية كانو اول شي مهتمين فيها ويطعمونها ويةكلونها فجأة صارو هاملينها وما يوكلونها ولا يشربونها ، المشكله انا عندي حساسية من الحيوانات كلها يعني ما اقدر احطها عندي بشقتي بس كاااسرة خااطريييي واقول لهم بيعوها مايبون يبيعونها *مادري لييييش مايبون .. لما هذاك اليوم انا انصدمت لما قال ابوهم ان يبي ياخذها ويقطها بالبر !!!!! بالبر وبهالبرد انا دمعتي نزلت من عيوني جد واهي القطوة حيييل خوافه تخاف حته تطلع من عتبه باب البيت يعني مو متعوده على الشارع .. وهالمرة بيقطونها بالبر؟؟؟؟؟
انا قلت حق ابوهم لا تقطها انا بشوف احد ياخذها وترتاحون منها*
والله يابنات انا قلبي معورني عليها واللي مضايقني صج ان فيني حساسية وفوق هاذا انا حامل وقريت ان الحامل لازم ماتنظف الوصخ مال القطوة عزكم الله*
بس ياريت يا بنات اللي تحب تربي قطاوة او تعرف احد يربي او يبي قطوة عنده ياريت يبلغني علشان اعطيه القطوة ومن غير فلوس جد انا اللي يهمني انها تلقه مكان دافي واكل وماي ومعامله زينه ومحد يطقها ويأذيها ... اهي شيرازية عمرها تقريبا سبع شهور وحبوبة حيل وهادية انا مصورتها عندي اللي يحب يشوف لونها هاذا الوتسب مالي 66726927*
ومشكورين وماقصرتو