طلب بسيط ممكن تفيدوني....
السلام عليكم ورحمة الله وبركاته
الى الاخوان والاخوات الطيبون اعضاء المنتدى .....
ان شاء الله مسافر الى لندن وهذه أول سفرة لي .....
أبي من اصحاب الخبرة او من سبق له السفر الى هناك ان يفيدني بكل شي ....
أنا بسافر بروحي سياحة لمدة 20 يوم .....
المطلوب من الحلويين :
1- شلون او شنو طلبات استخراج الفيزة من سفارة بريطانيا في الكويت . ( أنا خليجي ).
2- شنو أحسن طيران دايركت.
3- شلون اسوي وقت الوصول الى مطار هيثرو لندن؟
4- وين أسكن بفندق أو شقق سكنية ؟ شنو الافضل والامان؟ وكم الاسعار؟
5- واللي يعرف فنادق حلوه ونظيفة وفيها امان لايبخل علينا .
6- وشلون الاكل عندهم المطاعم اسلامية او غير ؟
7- المناطق او المعالم السياحية وين تكون ؟
8- شنو الافضل بالمواصلات التاكسي او الباصات او القطارات من ناحية السعر والسرعة والامان.
9- الصج لغتي الانجليزية شوي يعني شنو نصائحكم بخصوص التفاهم مع الناس .
10- واللي عنده احد يدرس هناك لايبخل علينا من باب الصداقة. ( معرفة الناس كنز).
*- أرجوا من اصحاب الخبرة مساعدتي بشرح مفصل عن السياحة في لندن وايضا سمعت ان في لندن شارع يسمونه شارع العرب السكان والمحلات كلها للعرب هل هذا صحيح؟ وهل تنصحوني بالسكن او التردد على هذا الشارع؟
وسلامتكم.......
