مشكلة صديقتي .. وخطبتها

بسم الله الرحمن الرحيم

السلام عليكم ورحمة الله وبركاته

متعوده إني أسمع مشاكل الناس بس هل مره مو قادره أنصح ... لي زميلة بالعمل كانت مرتبطة بإنسان خمس سنين تنتظره هي تحبه وهو يحبها .. كان فيه السرطان بعيد الشر عنكم ونتظرته لين تعالج وتسيرت أموره ...

مشكلتها الأساسية، إنها أكبر منه بالعمر بسنة وحده فقط .. حاول كلم والدته عشان يرتبط فيها بس هي رفضت عشان العمر .. وصلت بينهم إن صار فتره مايكلم أمه .. وصارحها وقالها مايقدر يكمل معاها ..


تفرقوا وسمعت خبر زواجه بعد فتره،، هو مالج ألحين .. وحضرتها ليحن عندها أمل يصير شي وينفصل والله يجمع بينهم

كانت تدعي ربها دوم وتقرا سورة البقره بس ربي ما كتب لها نصيب

وسبحان الله قبل فترة من زواجه وحده من صديقاتنا كلمتها عن شاب من أهلها يدورون له زوجه وهي اختارتها

الشي الطيب إن زميلتي ما رفضت وقالت ماعندها مانع إذا يبون يجون البيت ..

إلي مكلمينها عنه شاب أكبر منها ب 8 سنين .. وعنده ثانوية عامه عمره 35 سنة

هي ودها تبتدي حياة جديدة بس متخوفه وايد من كبر العمر بينهم .. ومضايقها إنها جامعية وهو ثانوية،، وهي مو صغيره وايد فوق ال 26 سنة .. بس خايفه عامل الدراسه يأثر بينهم..

وخوفها الأكبر إن ماتقدر تنسى إلي تحبه لأن حاولت وايد وطول هل سنين ترد إلي يتقدمون لها عشانه

والولد إعتذر منها وايد ويدعي لها دوم ، وهي بعد تدعي له إن الله يجمهم بالآخره دام ما لهم نصيب بالدنيا


انتوا شرايكم أنا ما ني متزوجه ولا مرتبطه عشان أفهم شعورها،، أو أقدر أنصحها

مازالت تقرا سورة البقره عشان ربي يهون عليها فراقه ..

بس لو تقدملها الشاب الثاني إلي بو 35 سنة توافق عليه؟ إذا ارتاحت له وتتوقعون بتقدر تنسى حبيبها مع الشخص الجديد؟


وهل في أدعيه تنصحوني أعطيها تقراها تساعدها هل فتره إن ماتفكر فيه غير قراءة القرآن والاستغفار لأن تسويهم بس ماتقدر تمنع نفسها من التفكير فيه أو إن تدعي إن الله يجمع بينهم ،، مع إني أقولها إن ماينفع تدعي هل دعاء لأن خلاص الريال ملج وبحددون عرسه وبينساها