رساله إلى أمي

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليت الليالي يرجعن بي الى الورى = طفلٍ غرير وما بدى بالفطانه
يلعب طوال الوقت بالوقت ما درى = ولا من بداه النوم يركض لامانه
أمٍّ تحضنه لين ياخذ به الكرى = وتقبل وتقفى ما تعدى مكانه
وينك يا يمه تنظرين الذي جرى= وليدك غدا شايب وهدّه زمانه
وكلش تغيّر والزمن صار اغبرا= عجّه خنقني خايفٍ من دفانه
امن أولٍ وياّك نقنع بما نرى = قرص ودويف وقطره امن الشنانه
العود يابس لكن القلب اخضرا = ما فيه حقد وغدر والاّ خيانه
والناس ترحم بعضها غُرب وقصرا= محدٍ يجوع وشابعٍ من وزانه
كلٍ يخاف الله في السر وجهرا = وما حدٍ يتاجر في نفاق الديانه
فيهم تواضع والشهامه لهم ذرى= ومقياسهم رجل الكرم والأمانه
واليوم غير الأمس في كل مظهرا= مقياسنا بالقرش.. كلٍ بخانه
فالناس غير الناس والفكر يحجرا= والرجل يخشى زلةٍ من لسانه
ومن كان ينوي العز والجاه والثرا= فالبعض ياصلها بذلّ ومهانه
يالعنبو وقتٍ به البوم ينشرى= والحر ما له في زمانه مكانه
يمّه كبرت وهمي اليوم أكبرا= مدري وش ابدّي وافكّر بشانه
إن جيت للتيّار فالكل مجبرا= ومن لا مشى به خاسرٍ في رهانه
وان جيت للعيلان فالوضع اخطرا= الفقر داعيهم يذوقوا هوانه
والآمنا تكبر والاحلام تصغرا = من ما نشوفه من طغاة الرطانه
يالله عليهم فانت أكبر وأقدرا= فالأمر أمرك يا عظيمٍ بشانه
يرحمك ربي ساكنه باعمق الثرى= ويجزاك بالفردوس باعلا جنانه[/poem]

[align=center]شاعر العثمانيات

.
.

صح لساانك استاذنا الكبير

أعجبتني الأبيات فأرغمتني إلا أن أرد بالشكر لك


دمت




أخوكـ / خالد [/align]

[align=center]العود يابس لكن القلـب اخضـرا
ما فيه حقـد وغـدر والاّ خيانـه
والناس ترحم بعضها غُرب وقصرا
محدٍ يجوع وشابـعٍ مـن وزانـه
كلٍ يخاف الله في السـر وجهـرا
وما حدٍ يتاجر في نفـاق الديانـه
فيهم تواضع والشهامه لهـم ذرى
ومقياسهم رجل الكـرم والأمانـه




الله عليك




واليوم غير الأمس في كل مظهرا
مقياسنا بالقـرش.. كـلٍ بخانـه
فالناس غير الناس والفكر يحجرا
والرجل يخشى زلةٍ مـن لسانـه
ومن كان ينوي العز والجاه والثرا
فالبعض ياصلهـا بـذلّ ومهانـه
يالعنبو وقتٍ بـه البـوم ينشـرى
والحر ما له فـي زمانـه مكانـه



صح السانك علي هالمعزوفه الرائعه



تحياتي لك


اختك نايفه[/align]

الله عليك

صح لساااانك مليون ولا يكفون .....

قصيده في منتهى الابداااع ....

قصيده تقرا بالاحاسيس .... قبل العيون ....

وتقتل الحروف في وصفهااا .....

شكرا لك على هذا النبض الرائع ...

ليس بغريب على عثمان العبدالله هذا الإبداع

صح الله لـ سانكـ
وبيض الله وجهكـ
.
:
.
تحيه عطره
محمد

0
0

شاعر المشاعر ( العثمانيات)

لله در قلب سرد مثل هذه الرائعة

هل تعلم!!

والله لقد قمتُ بتخيير عدَّة أبيات

ثمَّ أخرى

ثمَّ أخرى

وفي النهاية وجدتها!!

كلها هي الأحلى .......

تستحق الأم النداء وقلبك مملوء بصدى الأهات من هذه الحياة

وبين هذا وذاك يظلُ الحنين هو الحنين والشوق هو الشوق للعودة إلى الوراء علَّ الروح بعذوبة الطفولة ترتوي وبدفء الأمومة تهتني...

تحياتي لك على الدوام ياعزيزي....

[align=center][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
كلٍ يخاف الله في السـر وجهـرا=وما حدٍ يتاجر في نفـاق الديانـه
فيهم تواضع والشهامه لهـم ذرى=ومقياسهم رجل الكـرم والأمانـه
واليوم غير الأمس في كل مظهرا=مقياسنا بالقـرش.. كـلٍ بخانـه
فالناس غير الناس والفكر يحجرا=والرجل يخشى زلةٍ مـن لسانـه [/poem]



شاعر العثمانيات



صح لساااااااانك



تسجيل الإعجاب المتواصل دائما"



مع وافر التقدير والإحترام [/align]