الديوانية وشتلات الزرع والوجه الجميل

السلام عليكم ورحمة الله وبركاته

فتاة عمري 29 سنه , عزباء , الحمدلله متدينه واخوي اللي معاي عازب أيضا عمره 28

حلمت ان هناك ديوانيه بسرداب وفي الواقع لا اعرفها , وكنت رايحتلها انا وأمي وأخوي معاي وكان بكامل أناقته , وانا كنت لابسه عباية كتف ولابسه شيله بطريقة عصابه (عمامه) وشكلي كان جميييل جدا ولون بشرتي أبيض جدا وشفايفي وردية اللون جدا باختصار وجهي حسن وأجمل من الواقع بكثير وعندما وصلنا الديوانية كان الباب مغلق وكان أمام الباب شتلات فيها زرع أخضر ,,

أقصد بالشتله طبعا القوالب البنيه الخاصه بالزرع ,, وكانوا مصفوفين اثنين اثنين كأنهم بدال النعال تكرمين اللي المفروض يكونون أمام الديوانيه وكان عددهم كبير تقريبا ,, وكان أيضا فيه حريم شكثرهم وكلهم لابسين عبايات قاعدين عالأرض , قالي أخوي الحين بندخل بس بنقعد عالأرض ننطر وعقبها ندخل الديوانيه قلت ميخالف فقعدنا , أول ما قعدنا كنت لابسه عبايه كامله من نقاب وشيله وعبايتي الراس اللي هو لبسي بالواقع .. وقلت حق أخوي من هذول الحريم وأهل الديوانيه فقال هذول (( الفلانيين)) ذكر فخذ من قبيلتنا ,, وكانت فيه بنت منقبه تخز أخوي وكان شكلها طيوب وكانت ماده رجولها عالأرض فقلت بقلبي خل أسألها اهي منهم يمكن تكون من نصيب أخوي , فلمن سألتها قالت ايه انا من ((الفلانيين )) ذكرت نفس الفخذ اللي تبع قبيلتنا ,,

جزاااااج الله خير