عندي حلمين اتمنى التفسير يزاكم الله خير

السلام عليكم

ويعطيكم العافية عساكم دوم عالقوة اخت عبير واخت دلع

الحلم الاول: حلمت بشخص معين انا اعرفه من سنة ونص (بينا علاقة ونتمنى زواج ) بان انا واهلي في بيت هالشخص وقاعدين بالصالة مع اهله. المهم انا واهلي وطلعنا بس بعد مدة احد ماادري منو حاول ياذيني فرجعت لي بيت هالشخص وانا رادة شفته اهو واخوه ينظفون حوش بيتهم ولمن شافني تعجب ان شفيج تبجين بس خليته يولي ورحت عند امه وقعدت عندها ابجي وامه كانت تقول لي كلام وايد بس بما معناه ان ما يخالف ولا يضيق خلقج والله كريم.

الحلم الثاني: حلمت بنفس الشخص اللي ابيه بانه اهو في بيتنا القديم وفي غرفة اخوي كان نايم وما كان لابس هدوم بس كان مغطى بشرشف لونه فاتح بعدين اهو قام من النوم وانا كنت قاعدة معاه بنفس الغرفة واخوي (اسمه ناصر) كان بنفس الغرفة واقف فوق راسه (وجنه كان يبتسم الله اعلم) حتى تعجبت ان شلون اخوي داخل علينا الغرفة وما سوى شي ولا عصب.

اسفة اذا طولت عليكم بس اتمنى التفسير من الخوات المفسرات
للعلم انا مو متزوجة