برايكم شنو التخصص الاحسن ؟؟
السلام عليكم كويتيات ..
انا اتابع هالمنتدى صارلي سنة تقريبا وصرت شبه مدمنة عليه :icon30: , بس اليوم سجلت عشان بطرح عليكم سؤال وان شاء الله تساعدوني باختيار القرار ..
انا ولله الحمد انقبلت بكلية العلوم الطبية هالسنة :yaaaaaarb:, واللي مو عارفه شلون نظامهم هناك انا بختصرلكم الموضوع عشان تكونون معاي بالصورة ...
اول ماينقبل الطالب عندهم يدخل سنة تمهيدية واللي عليه انه اييب اعلى معدل يقدر عليه عشان يقدر يختار التخصص الي يبيه , عندهم ثلاث تخصصات اللي اهيه طب بشري , اسنان , صيدله وكل من هالتخصصات الثلاثه مقاعد محدودة يعني اكثر شي 50 مقعد .
نقدر نقول ان هالسنة الاولى تصير نظام تنافس بين الطلبة لان ماكو مقاعد كافيه للكل :eh_s(2): , يعني بنهايه السنة في طلبة ماراح ينقبلون التخصص اللي يبونه واللي كانو يحلمون فيه من سنين واللي تعبو عشان يحصلون نسبة الثنوي , طبعا هالنظام فاااشل فااشل فااشل :flower: ,وهذا شي مايختلف عليه اثنين , لان اذا الجامعة مو قادره تقبل كل الطلبة بالتخصص الي اهمه حابينه ليش تقبلهم اول سنة بالاساس :eh_s(4):؟؟ مو حرام تضيع سنة من اعمارهم !! وتخيلو انه المواد ماتتعادل اذا بتقدمين على كلية ثانية لا سمح الله اذا مانقبلتي !! يعني شي فضيع :rgewrg:,, المهم هذا مو السبب الي خلاني اكتب الموضوع ,,,
انا الصراحة حابة تخصص الطب البشري واحلم فيه من زمان , بس مثل ماقلتلكم لاسمح الله اذا مانقبلت فيه لازم يكون عندي plan B ,, فانا سؤالي لو انتو مكاني تختارون كلية الصيدله اللي تاخذ اقل مجموع الطلبة اييبونه ,, بمعنى اني ماراح اعيد السنه لكن راح اتخصص بشي مابيه ,, او اني احول كليه الهندسه وابدي من يد ويديد جني توني متخرجه ثنوي وتضيع سنة من عمري ؟ وانا وايد خايفه من هالسالفة لانه مثل ماتدرون شصار السنة اللي طافت ان اساسا ماكو مقاعد حق الطلبة الي توهم متخرجين من الثنوي فانا وين بيحطوني مثلا !! مع العلم اللي بتقولي سافري ودرسي بره للاسف هذا الاختيار شايلته من بالي لانه ابوي مايرضى :eh_s(16)::eh_s(16):
بنات هالموضوع وايد متعبني ومتعب كل اللي معاي لان الطلبة الكويتيين مظلومين يعني عيب عليهم يسوون جذي والمسؤولين يتعذرون بعذر اقبح من ذنب ان والله ماكو مقاعد تكفي !! والقاعات ماتقدر تستوعب اعداد اكثر من جذي !! ويخلون عيال الكويت بهالحالة .......... :eh_s(2)::eh_s(2):
بالنهاااية
شنو برايكم التخصص الاحسن واللي مستقبله احلى ؟؟؟ :bbbiu::080402ask_prv:
ويعطيكم العافيه على وقتكم , و عفيه لا تكسرون فيني وماتردوون .. :eh_s(7):
