ورم الوجه وحساسيه من الاكل اول مره بعد هالعمر ؟؟

السلام عليكم
مشلكتي بختصرها واذا احد مرت عليه هالحاله يفيدني
قبل رمضان بشهر انتفخت شفايفي وكانت شوي وتنفجر رحت طبيب قالي يمكن لثتج تعبانه او حشره غازتج ورديت
بعد ساعات فش
برمضان ويهي من جدام الخشم والخدود وللشفه الي فوق ورمت قلت يمكن لاني متوتره رمضان وطبخ وضيوف
ماعطيته اي اهميه لان من وانا صغيره الحمدلله صحتي سليمه
بعد شهوور الي اهو هالشهر قعد من النوم بالم فضيع بويهي رحت اطالع نفسي ولا ويهي مورم حده طالع من عظام الويه لدرجة خشمي الطويل صار مسطح وشفتي الي مو قاعد تلمس اسناني ومن كثر ماخدودي مورمه صار تحت عيوني كدمات حمره
قلت يمكت نفس اول وبيخف قعدت وسويت بحث للي فيني وفي اسباب وايده قلت بحط موعد للاسنان رحت قالت لي لا الي فيج مو من اسنانج ابدا
جان ركض للطواري يوم الدكتوره شافتني قالت سوي هالتحاليل الاربع ورديلي
سويت تحاليل ثلاثه طلعوا سليم الا الرابع سويته بس لازم يودونه فرنسا وللحين ماوصل رحت دكتور ثاني شفته يوم فحصني عالسرير اختبص وقام يتصل عالاستشاريين ويروح يسال دكاتره انا طبعا بموقف لايحسد عليه
جان يقولي دبرتلج الحين موعد مع استشاري بريطاني روحيله ضروري ورحت وانا خايفه فحصني وطولنا وهو يسال ويفحص جان يقولي اهلج فيهم حساسيه من شي قلت لا مافينا بس امي ضغط قال فيج حساسيه من وانتي صغيره لشي قلت لا والله مافيني كل شي جدامي اكله ومتاقلمه مع جرنا غبار حر برد قالي لا تاكدي فيج حساسيه من شي اول مره يمر عليج قمت احلف يادكتور وربي اني سليمه كل شي سويته واكلنه وشربته بحياتي ماعمري تحسست من شي ولا حتي ادويه يعني لك الحمدربي
يتبع ... ثواني