السلام عليكم
شلونكم خواتي اتمني تكونون بصحة وعافية ما عليكم امر ابي تفسير لحلمين حلمتهم
بنفس الليلة
الحلم الاول كاني قاعدة مع جاراتي بالصالة وحدة من جاراتي كانت شايلة ولد بلفة بيضا
وكان الولد حيل جميل وصحته حلوة قلتلة متي جبتيه ضحكة وعطتنياة اخذتة وحبيتة
وحطيتة بحظني شوي وكان يبجي ورجعته لامة وكنت واقفة ابي اروح ولا يرن التلفون
رد وحدة من جاراتي وقالت منو ايمان فزيت الان اسم بنتي ايمان الصغيرة اخذة السماعة
ورديت ولا صوت بنتي تقول يما وينج ليش تاخرتي انا طلعت من المدرسة وانطرج طالعت
الساعة الا وهي 2 صج تاخرت وركبت سيارتي ورحت لها مسرعه
الحلم الثاني
كنت بالصالة مع زوجي وعيالي رن الموبايل االثاني اللي عندي رديت كان شخص ماني
عارفتة وقلت لحظة وعطيت التلفون لزوجي كلمة بس ما ادري شنو قالة بس زوجي حذف
التلفون بالطوفة وتكسر التلفون وانا وعيالي منصدمين من اللي صار وكان يسب ويهاوش
زوجي بس احنا مو فاهمينة شنو يقصد0
ولكم مني كل الشكر
طبعا انا متزوجة وعندي عيال والحمد لله
