حلمي ***بحماي بيوم عرفه ***

السلام عليكم ورحمة الله
جزاكن الله خير أخواتي المفسرات على ما تبذلنه من مجهود معانا
جعله الله في موازين حسناتكن
اللهم آمين

......................
متزوجه
عندي ولدين وبنت
12 سنه ... 8 سنوات ....3 سنوات
ربة منزل .. متخرجة من الجامعه من 8 سنوات وابحث عن وظيفه
الحاله الدينيه : متوسطه
انا مااحمل الا بعلاج وهالشهر بإذن الله ناويه اتعالج ربي يرزقني يارب
.......................
ملاحظه /

انا ولله الحمد حجيت حجيت هالسنه ربي يتقبل مني ومن جميع المسلمين ومن جيت من الحج وانا ما يفوت اسبوع الا احلم باجواء الحج واحلم بالناس اللي كانوا معاي في الحمله .. واقوم من النوم وانا مستانسه ..
....
الحلم /
حلمت انني في نفس الشقه اللي استأجروها لنا الحمله ومع نفس الناس اللي معاي في الحمله....
وكأننا بيوم عرفه وكنا مختبين عشان الباصات بتودينا للوقوف بعرفه ..
والناس هذا رايح وهذا جاي بالشقه والليتتروش اللي يبون يمشون بالباص واللي يتجهزون ما مشوا واللي مشوا راحوالعرفه ( وفعلا بالواقع حصل هالشي لكن بدون مشاكل بس حوسة الناس وزحمتهم بالشقه )
وانا كان ودي اتروش والبس ثوب نظيف وجديد عشان عرفه .. وفجأه طق باب الشقه ..
وفتحته حرمه من اللي معانا بالحمله ..
وكان ورى الباب حماي ( اخ زوجي اللي أصغرمنه متزوج وعنده ولد وبنتين وزوجته حامل الحين ..وحج يوم كان بال20 عمره ) وعلاقتنامع بعض كعائله محترمه ولله الحمد لا ومشاكل ولا شي))
وكان يمد للحرمه اللي فتحت الباب (ثوب مسفط وشكله حلوومشجر الوانه حلوه واعجبني )
وقال :هذا الثوب أعطيه (..اسمي ... ) وقولي لها اذا ما تبي الخمسين ريال (سعودي ) خليها تلبس هالثوب اوتآخذ هالثوب مدري مومتأكده من الجمله..
وانا اخذته ورفعته على رف بالشقه وكنت اطالع للثوب ومعجبني..
الخمسين بالحلم كأنه كان معطينياها قبل.. والثوب يوم سمعته يحكي للحرمه على اساس اني ابتورش والبسه ..
لكن انتهى الحلم وانا اتأمل الثوب ..

وجزاك الله خير اختي ربي ينولك ما تتمنين وازود يارب

:eh_s(17)::eh_s(17)::eh_s(17)::eh_s(17):