السلام عليكم
الف مبروك الفوز وعقبال الدوري ان شاء الله
اللي صار معي اليوم
وانا رايح للملعب ومعاي ثلاثه من اصحابي
كنا نسولف طبعا كلنا اهلاويه الا واحد هلالي
والشباب ماقصرو استلموه في السياره عشان يحول اهلاوي
قال ياشباب وين المصيبه في تشجيع الهلال
قلت المصيبه انك تعرف تشجيع الهلال غلط وتستمر عليه
سكت الولد
قلت طول عمركم مافرحتو ببطوله زي الانديه الثانيه
كل بطولاتكم بمجهود غيركم (الحكام) وانت عارف الشي ذا لا تعاند
سكت وجلس يفكر قالو الشباب سيبو والله ما يترك الهلال عبيط هذا الولد
قلت لا متاكد بيترك من الهلال
والولد باقي ساكت
المهم دخلنا الملعب وجلسنا وبعد المغرب لمن شاف تفاعل الجمهور
الولد كل شوي اسمعه يقول ي لبى قلوبكم ي الاهلاويه
ويصور كثير وانطرب الولد
طبعا هوا جاي من برا جده
شوي اشوف التحديث حقه ف البيبي كاتب برب هلال باك الاهلي العمر كله ان شاء الله
قلت من جدك
قال والله العظيم 20 سنه وانا مخدوع ف الهلال وجمهوره
شوي ارسل برودكاست كتب اعلن توبتي من تشجيع الهلال بعد ان هداني ربي وسخر قلبي لتشجيع الاهلي
والله العظيم فرح بالهدف اكثر من اي واحد اول مره اشوفه فرحان بهدف زي كذا
الحمدالله قدرنا نقنعه والجمهور ماقصر ساعدنا في اقناعه
