هزيمه غريبه لكن ذي أقدار

السلام عليكم و رحمة الله و بركاته

مدري وش أقول بصراحه لكن هذه أقدار فقدر الله و ما شاء فعل

الهلال انهزم اليوم لكن مستوى رائع بدون أجانب سوى هلالنا العجايب

يعني المباراه كانت تبي الأهلي للأسف

أنا انبهرت بمستوى اللاعب الرائع سالم الدوسري ما شاء الله تبارك الله
و تفاجأت بمستوى اللاعب عبدالعزيز مو موجود بالمباراه كنت اتمنى يكون الفريدي مكانه

أما عيسى المحياني المفروض ما يلعب لحاله أبد هنا الخطأ ....

الحين توماس دول دخل بتشكيله غريبه لكنها مفيده مجموعه من الشباب هذه تحسب لدول نقطه مميزه لكن التوفيق ما حصل للأسف .....

نرجع لنقطه أتوقع بتدخل موسوعة جينيس لاعب يحرز في مرماه هدف و يحتسب تسلل ...؟

إضافه لركلتين جزاء واضحه كوضوع الشمس في كبد النهار .....

اليوم الهلال يلعب ضد الاهلي و الحكم للأسف ....

اما البروفيسور المرشدي و الدكتور الزوري مالهم مكان بالهلال أبد نقطة ضعف واضحه للكل الهلال مشكلته واضحه بالدفاع لازم نتدارك هالمشكله أو ننسى ننافس على البطولات ......

الزوري بطيء ما يركض ابد ..؟
و لا عرضيه مميزه في المباراه هجومه 0 دفاعه 0 يعني يعتبر مطرود من الملعب هذا نقص في الهلال ....

المرشدي عاد هذا من زمان نبي الفكه منه لكن مدري وش السر اللي مخلي الهلال متمسك فيه ملينا الأخطاء اللي منه أجل خويك جنبك ترجع الكوره للاعب الأهلي ..؟

لو بقيم مستوى الهلال اليوم بيكون 8 من 10 ....

لعلها استفاقه بعد هالمباراه

و لازم للاعبين يراجعوا انفسهم شوي بعض اللاعبين مو في مستواهم المعروف لازم يراجعوا حساباتهم ممكن يطلع نجم و بعدها يندموا ....

مليون استفهام على مستوى عزوز أكثر من جوله و هو كالحجر مافي تغيير و لا مستوى .....

بالنهايه الله يوفق هلالنا ........


و العذر للإطاله .....