حلمي بالخدامه فسرووه الله يجزاكم الجنه يارب

السلام عليكم

تحلمت باني دخلت المطبخ وجدت خدامتنا هنديه ماسكه بنت اختي الرضيعه وترضعها قرشه حليب تحت المكيف قمت هاوشتها قلت ليش تحت المكيف الجو بارد وطلعت من ابمطبخ رحت لاختي ام البنت واعلمها اقولها ترا شفت الخدامه ترضع بنتج تحت المكيف قامت اختي هاوشتها ليش وشلون قالت الخدامه محد نبهني تبرر لنفسها
المهم كأني انا رحت للدوانيه واخوي كان منسدح يطالع التلفزيون وانا اسولف عليه ان يعني عرسه شهر ٣ الجاي ( هو بالحقيقه لا خاطب ولا ملّك بس قاعدين ندورله على عروس ) المهم وادخلت الخدامه وانا قلبي نغزني قلت يمكن تبي تنتقم مني ليش علمت اختي عليها وجات قربت مني كنت انا قاعده فوقفت وقلت شتبين الا معاها بايدها مفتاح معدني قمت اقول بصوت عالي الله اكبر الله اكبر لا اله الا الله واشوف عينها الا تغيرت صارت جاحظه وقمت اعلي بصوتي واقرا آيه الكرسي الا وتطيح الخدامه واخوي انتبه للخدامه قال شفيها قلت مادري وقمت اخذت المفتاح وبس انتهى الحلم

للعلم ما كنت افكر بالخدامه نهائيا واناا ولله الحمد متوسطة الالتزام
بيتنا لا يخلو من المشاكل على اتفه الاسباب
وانا موظفه غير متزوجه اعاني من قلة الخطاب
وخدامتنا صار لها سنه وزياااده شهر 5 تكمل سنتين وبتسافر علاقتي معاها بالحقيقه جيده او بالاصح رسميه مالي دخل فيها ولا احب اخليها تتدخل فيني

وجزاكم الله خير