منتجات كوكو

مسائكم ورد

يمكن اغلبكم سامعين بماركة كوكو الطبيه هذي الماركة المانية يستخدمونها اغلب دكاترة الجلدية مثل عيسى بشور

انا بعرض لكم تجربتي قبل كل شئ شفت رفيجتي بشرتها نظره وفيها لمعه مع انها سمره فاتحه سالتها قالت لي انها

تستخدم خلطة الدكتور عيسى بشور للترطيب والنظارة فقلت خلني اروح اسال واتطمش رحت لمحلهم بمجمع صحارى

بالجهرا لانه كان عندي مشوار هناك وسألت الموظفه فقالت لي خلني اشوف بشرتج وعطتني كريمين الاول خلطة الترطيب

افتحت العلبه كان فيها كريم وكان عندها قطارات قاعده من كل نوع تحط نقطه الظاهرة للنظاره والترطيب والرونق والتفتيح

قالت لي استخدميه قبل المكياج او اي وقت

والكريم الثاني اسمه repaire night هذا يعتبر مقشر بسيط وتفتيح تحطينه بس بالليل وماتقربينه صوب العين انا جربت

الكريمين بصراحه المقشر مال الليل جربته لمدة اسبوع حيل قشر بشرتي وصارت حمره وقفته لاني ماتحملت المنظر واستمريت عالكريم الاولي اللي اهو المرطب وبعد ثلاث اسابيع ماشاء الله احس بشرته اتسنعت واتعدلت واحس فيها حياة

وحتى لما احطها قبل الكريم الاساس تجنن الكل يسالني عن لمعة وجهي

وخذيت بعد منهم الغسول اللبي بالبابونج والعسل يجنن واشوف في بنات ادخلوا المحل وخذو خلطة المرطب الاولى وفيتامين سي

وسلامتكم يالغالين واي استفسار انا حاضر