ساعدوني بهالقصة

مرحبا يا أمهاتنا الحلوين
رح قول المشكلة يا ريت يلي عندها خبرة بهيك قصص تساعدني
المهم بنتي بالصف التاني الابتدائي وعندها رفيقة بالصف وبيتها جنب بيتنا وأنا تعرفت على ام البنت وكتير حبابة والبنت حبوبة بس مشكلتها أنها مفتحة كتير وبتحكي حكي أكبر من عمرها وأنا بنتي عكسها تماماً هادية وخجولة كتير المهم البنت اجت زارتنا ونسيت قول انو عندي بنت ب روضة تانية الله يحفظهم كلهم المهم البنات أعدو يلعبو مع بعض وأنا تركتون لحالون ورحت جهزلون عشا ورايحة وجاية عم شوفهون شو عم يلعبو لأنو ما بحب اتركون من دون مراقبة المهم البنت كانت عم تلعبهم أنو هي طبيبة وعم تقول لا بنتي بدي اعملك ايكو وعم تكبس على بطنها اجيت قلتلا شو هاللعبة شو يعني ايكو قال هيك بكبس على بطنها بعدين بيطلع البيبي وكانت حاطة تحت بنتي اللعبة أنا قلتلا لاء ما حبيت هاللعبة وجبتون لعندي عالصالة وخليتهم يرسمو وما عاد تركتون لحالون
هلأ سؤالي : اتصل على أم البنت وقلها أنو بنتك هيك عم تلعب وانو لازم تدير بالها عالبنت أكتر وتشوف مع مين بنتها بتلعب لأنو ماشاء الله البنت كتير بتحكي ومفتحة وانا ما بحب بنتي تصير متلها بنتي بتحبها كتير وانا قررت أنو ما خليها تزورنا أو بنتي تزورهم بس لازم أعطي مبرر لا بنتي وبنفس الوئت بدي أعرف منكم اتصل على ام البنت أو لاء
أسفة عالإطالة بس ما بعرف كيف اتصرف بهيك أمور كيف بقدر اتجنب هيك أمور ممكن تصير مع بنتي لأني بخاف عليها متل كل أم بتخاف على بناتها