صدمة قوووووووية من صالون ليلى هارموني

السلام عليكم يا احلى كويتيات

باختصر الموضوع كثر ما اقدر

http://www.frankom.com/wp-content/up..._7688345_n.jpg

انا بتلكم عن الصالون بعد صدمممممممممه
صج صج انصدمت من هالصالون وكثر التفلسف اللي فيه

انا وصتني وحده عزيزه على قلبي
ورحت الصالون بعد ما لعبوا فيني حق المواعيد
طيران للصالون بعد دوامي لان مواعيدهم للاسف.....ماني قايله شي

المهم رحت استشاره لوحده اسمها زينب وعلى اساس ابي اصبغ شعري
ولان سمعت انها احسن وحده بالصبغ فما ابي اجازف بصالون الا ثقة
فما ترددت اروح للصالون

وماعندي للحين فكره سلبيه او ايجابيه عن الصالون
حابه اكون زبونه عندهم اول شي في بالي


لكن للاسف خسروني كزبونه وخسروا اقرب الناس لي من بعد ما سمعوا هالسالفه

السالفه

انا دخلت الاستقبال كان زين وما نطرت وودني للدور الثاني حق الصبغ
قعدتني وحده منسقه هناك الظاهر ،وقالة اللحين تييلج زينب

زهبت روحي وفصخت حجابي
ولا تييلي وحده عابسة الوجه
انا عادي للحين مو متضايقه اوكي

سلمة عليها وقلة لها قصة شعري.... وسالتها اذا اقدر اصبغ شعري
كلمتني بنفسيه الصراحه كلش والله ما تتوقعون

الحوار كالتالي
انا : اشلونج زينب
زينب: تمام (بنفسيه)
انا : حبوبه بغيت اصبغ عندج وكنت مجازفة بصالون معروف وخربت شعري
وفي وحده وصتني عليج
زينب:انزين انزين> مالها خلق
انا : حابه اصبغ عندج اذا يصير بس حابه تستر اذا يصر ؟
زينب:مافي اساسا ولو في مافي مجال هالايام >بنفسيييية
انا: انزين زينب حبيبتي انا ابيج اطمنيني عند عرس قريب حيييل
وابي اصبغ علشان نيو لوووك
زينب: والله كيفج
انا : انزين على لون شعري هذا شنو يطلع
زينب : ما ادري (نفسييييييييييييييييييييي� �ييييية)
انا:بليز قولي لي اي شي
زينب: ما ادري شسويلج
انا: انزين عالاقل طمنيني بيطلع عسلي ولا زيتي ؟
زينب : بنفسيه ووقاحه ردت (يمكن اخضر ما ادري )
انا بققت عيني عليها :eh_s(10): شسالفه ليش يايه اطر منج ؟
خووو مو يايه ابلاش بسوي ومالها داعي هالرد
ما ادري اضحك ولا اتهاوش معاها
انا: زينب ابي اصبغ بس ما ابي زيتيات
زينب: والله كيفج ما ادري شنو بيطلع !!!! بصوت عالي !! ونفسيييييييييييه

هدتني ومشت حتى ما قالة تبين شي انا موجوده

قعدت افكر بيني وبين نفسي ضاق خلقي وانسدت شهيتي كنت بروح اتغدى مع ريلي
وللحيني هناك قلة اتصل باختي واقولها شسوي

ولا بهالاثناء تيي لي مالة التنسيق تقولي بوقااااااااااااااحه

تبين تصبغين ولا لأ
قلة لها عقب كل هذا ّّّ!!! :eh_s(2): عالاقل يبي لي افكر وانا قاعده دقايق
عطيني وقت اشوي :eh_s(1):
جان تقولي ما تبين يالله نزلي تحت

>>> طرده بدون مطرووووووود حتى ما خلتني افكر :eh_s(14):

يا بنات انا عمري ما رحت الصالون وكانت اول واخر مره:rgewrg:
لاني بعد الصبغ كنت بسال عن المكياج مره وحده
علشان العرس القريب لي

لكن دام هذا اسلوبهم عليهم بالف عافيه
رايحه اطر منهم يعني ؟

لا تقولون ضغط لان ماكان ضغط وانا شفت الوضع هاااادي
وماكو زحمه

خلهم بالنفسيه يكسبون زباين
اكملكم الباجي شنو صار بعد ردودكم

بليز اذا في وحده بتقل ادبها لا ترد ومشكورين :eh_s(17):