حـــدانا الوقــت (( جديد ))
[align=center]السلام عليكم ورحمة الله وبركاته
واسعد الله اوقاتكم بكل خير
نعتذر عن الغياب
وهذه مصافحه جديده اتمنى ان تنال الاعجاب[/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="double,4,gray" type=2 line=0 align=center use=ex num="0,black"]
حدانا الوقت صرنا نشتريها في المدن والريف = نعمرها مع المغرب وليا جا الصبح نطفيها
نعمرها لجل نشعر بحاله مالها تعريف = وندفن همنا فيها وتغرينا هقاويها
مثل ما تدفن الموجه تعبها في رمال السيف = ومثل ما تغري النار الفراش ويحترق فيها
حدانا الوقت نتسابق على حجز التذاكر صيف = نسافر للديار الي تجمعنا ملاهيها
نسامر نجمها الغايب ويغيبنا معاها الكيف =نسامر دبكة الجوبي وتطربنا اغانيها
حدانا الوقت نتحارب مع بعضنا كيف = هذاك ارهابي ومجرم يفجر في مبانيها
وهذاك يموت مستشهد لجل يحمي رفيق وضيف = خليج وديننا واحد عروبتنا ومباديها
نجي بالطيب لا طبنا واذا ضقنا نجي بالسيف = حدانا الوقت ولا الوقت هو الي يحليها
نصدق كذبته لأنا نشوف بكذبته تخفيف = نعيف القلب في الضيفه وتعجبنا كلاويها
كتبت الشعر للفاهم وعندي للغبي تحريف = قصيده من رهين الوقت تواسيكم معانيها
ولكم خالص تحياتي
رهين الوقت [/poem]
