ممكن سؤال -----يااادلع؟؟؟؟

اختي دلع ارجو انج تاخذين موضوعي هذا بعين الحرص والنقد الايجابي :

عشان جذي احب اوجه لج جم سؤال داروا ببالي عنج لاني من المهتمين بعلم التفسير ومتابعة المشايخ والمفسرين

المختصين بهذا العلم اللي كان من معجزات سيدنا يوسف عليه السلام .

وكذلك اهتم بربط هذا العلم مع اللغة وعلم الحديث من سنة 2001 لان هذا من شروط التفسير الرئيسة(مهتمه فقط)

ماطول عليج اسإلتي هي :
1- اي اسناد تعتمدين عليه بتفسيرج وماهي المراجع اللي تثبتين فيها في حال التفسير او وجود اكثر من تفسير

للرؤيا ؟

2- هل تقدرين تفسيرين احلامج ؟

3- هل جميع تفاسيرج من اجتهادج الشخصي ؟ (لا تفهمين سؤالي غلط ) اذاجوبتي بقولج ليش سألت هالسؤال:)

4-شلون حسيتي ان بامكانج تفسير الاحلام ؟ (مصدر ثقتج )

وبالنهاية ارجو ان اسئلتي هذي ما تضايقج وما اقصد فيها الاحراج وانما هدفي هو الحوار والتعرف على جوانب ودي انميها عندي . لاني مثل ماقلت ((((مهتمه فقط ))))

وتقبلي تحياتي .....