زوجي ووقاحتة يضربني

السلام عليكم ,

مو عارفة شلون أبلش موضوعي أنا مشكلتي زوجي وإهمالة مع اني حاولت بكل الطرق معاه بلشت بيننا المشاكل من سنتين بعد ما مسكتة يخوني مع وحدة وسامحتة لكنني والله شاهد علي مارتحت سنتين وهاجس الشك يسيطر علي كليا مو قادرة اوثق فيه خصوصا لما يكون الريال شكلة مسكين وتصرفاتة ما تشكك وفجأة تطيحين عليه هذي وايد أصعب من لما تشوفين الريال متغير لان العقل سبحان الله يتهيأ للأفكار من البداية لكن ما حصل معي بالصدفة والله العظيم ومن فترة صارت بيننا
مشاكل كثير وصار شبة يكرهني ويكلمني ببرود وماكو اهتمام لا طلعات ولا روحات العلاقة الزوجية جيدة .. والسهر طبعا كل يوم يطلع للبر مع أصدقائة ويرجع 2 و 3 ومرات يبات عندهم وانا في دوامة . مافاد معاه اسلوب العصبية حاولت معاه بكل الطرق بالعصبية والصراخ والنتيجة كانت تتطاول ومد ايد .. حتى لو ارتفعت نبرة صوتي شوي يعطيني كف بس جذي مو قوي بس ايدة تعودت شكلها .. ريلي من النوع اللي ما يحب ارد عليه يعني يحب اهوا يكون كل شي اذا تكلم مفروض مارد مهما كان الموضوع اللي يقولة اهو اللي لازم يمشي ومايحب النقاش وطبعة عنيد حيل وبالنسبة للهوايات الفيس بوك طبعا شاطبني منة لان كل يوم امورة يديدة وبيننا مشكلة من شهر 4 اللي فات على هالموضوع وللحين مايبي يضيفني .. واتس اب للساعة 5 الفجر يبطلة بالاضافة الى خدمة البلاك بيري بي بي إم انا ركبتها عشانة بشوف شنو يسوي .. اخر مرة سافرنا فيها كانت سفرة جدا سيئة كل يوم مشكلة جديدة وهم طقني طراق جدام الناس لاني زعلت منة ولفيت ويهي قتلة خلاص برد الفندق سحبني من شعري وطقني خو بلد غريب للحين حازة بخاطري الحين انيي للمشكلة قررت اكبر مخي من الشك لان تعبت نفسيتي وايد وخسرت وزن كبير بمدة قصيرة وسوء تغذية ودوخة وكل يوم ارجع الصبح من فقر الدم واخر مرة تكلمنا فيها حزت بخاطري قالي شنو انتي ماعندج شغل غيري روحي شوفيلج شي تسوينة .. انا وايد اهتم بنفسي بنات وبلبسي وشعري وعطري حياتنا الزوجية حلوة بس عمرها قصير الحلاوة للأسف ... بنات اهو اللي يخليني اشك فيه لانة ياخذ تلفونة معاه الحمام ومن كثر الشك كل ما اكلمة وين حبيبي ليش ماترد اكون رايقة يعني احس انة يتنرفز والله كنت مادري وين يالله يالله شنو تهمتي قوليلي ؟؟؟ يعصب .. وعشان يكون موضوعي متكامل الحين اهو وايد مشغول في ظروف الانتخابات من بداية السنة الجديدة قررت ابلش حياة جديدة واغير من اسلوبي قلت يمكن انا اللي غلطانة لانة قعدنا وتكلمنا مع بعض وتناقشنا ومرت هال 15 يوم بالتمام والكمال امس قتلة طلعني ووعدني اليوم وطنش .. المهم امس كلمتة مرتين مارد مع انه كان قاعد يدز برودكاست كتبتلة وينك قال 5 دقايق ادق وال 5 دقايق صارو 16 دقيت مرة ثانية ما شالة دزيتلة مسج صارو 16 دقيقة وفيس مبتسم بعدها دق علي كلمني باسلوب ناشف وسوالي مصيبة اشلون تدزين هالفيس وترفعين ظغطي !!! :eh_s(2): قعدت ابجي وقتلة انا محتاجتلك حبيبي شنو فيك ليش تعاملني هالمعاملة قلت بعدل اسلوبي وافشلة قالي شفيج ومدري شنو حياتي وحبيبتي ليش زعلانة قتلة منك انته طبعا ما استحمل الفلم ولا استحمل يجاملني اكثر من جذي وقالي سمعيني ترى واصلة لي خشمي سكت وسكر بويهي وسكر اجهزتة وبعدين رد البيت الصبح قلت نتكلم قالي اصبحنا واصبح الملك لله !!! قتلة لازم نتناقش نحل مشاكلنا الصغيرونة عشان لا تكبر نبي نقوي العلاقة اللي بيننا صح صارت بيننا مشاكل كافي عاد خلاص فشلني وصرخ علي وقالي شنو بتهدديني ؟ لاني قتلة صار في فتور بعلاقتنا قالي اي فتور شنو هالخرابيط !! قالي خلاص يابنت الحلال صكري الموضوع مابي اسمع شي وخلينا جذي مافينا الا العافية انا احبج وانتي تدرين انتي شنو بالنسبة لي طبعا من الغمتة اللي بقلبي مستحيل اتكلم بسالفة حب لان مو قاعدين بفلم لان صج قلبي احترق منة ... هذي مشكلتي يابنات انة مايخليني اتكلم ومانحل مشاكلنا الصغيرة وفي وايد مشاكل مع الاهل سواء انا ولا اهو .. شنو الحل بمثل هالحالة لان صج تعبت منة حيل ومن اسلوبة الناشف ووقاحتة واخر مرة قبل راس السنة طقني بالسيارة وانا اكلمة وطق راسي بالدريشة ماسكني من شعري والله عيب هالكلام وبعدين كل ما اكلمة يقول لا تخليني اطقج الحين قام يهدد لان انا ما استحمل الطق فمسكها علي ممسك

ابي حل انة يحترم ومايمد ايدة علي وابي انا ارتاح منة وقلبي يرتاح وانا افكر فيه وحركاتة وحق الطلعات يقول وين نروح ؟؟ مو نوعي اللي اقعد بقهاوي شنو قهاوي اقولة وديني كافية نشرب كوفي انا وياك شوفو الرد اتفضلوا