خطبه

الحلم الاول

كنت فالجامعه امشي رايحه صوب الكفتريا عشان اشتري ماي
شريته وكنت ناويه امشي الا اشوف شخص معاي فالجامعه كان واقف يطالعني انا مافهمت شنو نظرته بس ماحبيتها عقب شلت شيلتي عن راسي عشان اعدل شعري كان شعري حلو و لونه شوي محمر كأن حاطه حنا كنت ادري ان يطالع عقب يوم عدلت ولبست الشيله قلت في نفسي انا اسوويت شلون شلتها
وعقب رديت البيت الا متصلين في امي ان هاي الشخص خطبني
وانا من شده الفرحه سجده حق ربي احمده واشكره

الحلم الثاني

كنت في باركات الجامعه ابركن سيارتي ونفس الشخص كان هناك كان يحوم حولي جم مره يلف حولي
وانا اقول في نفسي في باركات وايد ليش مايبركن كنت مستغربه
عقب نزلت من السياره الا اشوف روحي بدون عباية واهو شافني انا بسرعه قعدت ادور عبايه لين حصلتها في سيارتي او لبستها كنت احس بالذنب ان شافني وشفت وحده اعرفها سيدا رحت لها اشكي لها ان شافني وجي واهيا كانت تهديني





الحمدالله انا اصلي ملتزمة فيهم
متحجبه
مو متزوجه
ادرس
وماكنت افكر في شي قبل النوم
الحلم الاول كان في يوم و الحلم الثاني كان اليوم اللي عقبه
وهالشخص مالي علاقه فيه كلش

انا وايد خايفه من هالحلمين