تفاصيل حفلة زفافي بالصور .. دخلوا و عطوني رايكم

السلام عليكم


شلونكم يا عرايس الحمدالله رب العالمين الله تمم عرسي على خير

الحين بسولف لكم عن تفاصيل العرس :ggdw:


اول شي بين ملجتي و عرسي اسبوعين لا تسالوني شلون جهزت بغيت امووت من التعب :eh_s(11):
بس الحمدالله ربي تمم كل شي على خير و طلع كل شي حلو و مرتب


اول شي عرسي كان بالبيت لظروف اهل زوجي مع اني كنت حاجزة فندق بس الحمدالله خيره


تجهيزات العرس :


المدرجات و السجاد و التسكير بالحوش كله من هب السعد


http://up2.q8yat.com/uploads/images/...923dc282e0.jpg



http://up2.q8yat.com/uploads/images/...b90deeef12.jpg



http://up2.q8yat.com/uploads/images/...3ec4b89c27.jpg




المدخل جبته من دار الطيب عجييييييييييب طلعوه لي مع فلبيتيات 2 بس لابسين بدل حلوة مو ستايل الهندي لان ما حبيته


http://up2.q8yat.com/uploads/images/...76ff8251f5.jpg


الخدمة جبت من برستيج للضيافه يوزعون الاكياس عند الباب للعبي ( طبعا الاكياس عليهم عايلتي انا معاه ) ووزعوا الحلويات


http://up2.q8yat.com/uploads/images/...916acf7bb4.jpg



الورد و المسكه من بوكيه اللي بالصالحية مع بوكيهات المدخل وورود الطاولات و ماحطيت كوشه لان مابيها تاخذ مكان حطيت قنفه من الصالة مع ورد من ورا للتصوير بس ماكنت ابي حوسه وايد
بس حط لي ورد ابيض اوركيد و نفس اللي بالصورة تحت بس ورا القنفه و صار نفس خلفية كلها ورد عجيييييييييييييييييييب







http://up2.q8yat.com/uploads/images/...808c9d3ebc.jpg



المداخل و الطاولة اللي داخل

http://up2.q8yat.com/uploads/images/...f1a87db47a.jpg




http://up2.q8yat.com/uploads/images/...1e4ff3c325.jpg




كيكة العرس من كيك اند بيك لان اغلب الناس ماتاكل كيكة العرس سويتها علب صغيره
و كل وحد و هي طالعة تاخذ لها علبة طبعا بالصورة اقل من 80 كل مايخلصون يرجعون يترسون الكيكة


http://up2.q8yat.com/uploads/images/...ab6de9c7a0.jpg


الحلويات من العرس طلبتها من chocolate and more مع الصواني
مال عذوب النصر الله و صراحه عجيب طلعته لي كله بلون ديكورات العرس سلفر و فوشي
و كل من قال شكله غريب و جديد و الصواني من عذوب بعد جايبتهم من لبنان حييييييل راقين

اسفه صورتهم ثاني يوم لان اول يوم مالحقنا نصورهم طبعا يوم العرس كانوا ارتب و اكثر


http://up2.q8yat.com/uploads/images/...9f216e3074.jpg




http://up2.q8yat.com/uploads/images/...0e3ca5c135.jpg



الدي جي من حسام الموسوي و طلبت منه اغنية خاصة لي سواها لي الفنان طارق الخريف
بس صج صج بنات انصحكم بطارق عجييييييييييييب و حيل زفته حلوة و ذربه
حط لي هب السعد مع اغنية ثانية و عوايلنا و عماتي حيييل استانسوا منها


الصالون شيراتون ( مس فرساي ) و للعلم ترا هو غير عن للي بالجابريه
الحلو فيهم انهم رضوا يطلعون لي للبيت
جاني كل الستاف حوالي 5 بنات 2 شعر و 2 مكياج لان كنا وايد
سووا لي شعري انا و امي و اختي و بنات عمي تقريبا كنا 6 مرافقات

بس صراحه بنات قممممممممممممممممه شغلهم روعه و هادي و ستايل كل وحده غير عن الثانية
صج انصح كل عروس تروح تسوي عندهم طلعت مكياجي ناعم ستايل لبناني و تسريحتهم عجيبه كل من قالي شكلج روعه و قمه انا ماحب دشتي و رشا شيك و هالسوالف لان خبه احب النعومه

اللي سوت لي الشعر وفاء و المكياج امل و روحوا شوفوا شغلهم


الصورة جبت سناء اللي كانت بفوتوكينا صراحه شغلها قمه قمه
جابت لي استوديو كامل للبيت مع كامرتين فيديو مع مصورتين
وحده للاستيديو ووحده للعرس صورت كل شي بالعرس و الاستيديو حطيته فوق لي انا و زوجي و لما طلعوا الصور حيل احلى من ماتوقعت حيل غالية بس تسوى لان اللي بيبقى شريط العرس

و اللي يميز شريط العرس انه ببداية ماتشغلينه 4 اقسام
قسم للعروس و هي تحط الطرحه مع المكياج و تلبس الشبكه و تتبخر روووووووعه :eh_s(15):
الثاني حق المعرس يبدي من الزفه مالته يعني ماله داعي تطوفين نص الحفله لما توصل زفته
الثالث العرس كامل
الرابع صورنا انا معاه مسويه لنا فيديو كليب
كل هذا ب سي دي واحد


البدلة كلها تصميمي مع الصرحة و كلها دانتيل سلفر اخذته من الجذور راقية حيييييل
و الشبكه كانت مع الدزة من المعرس من مجوهرات الفارس


هدايا العرس من عذوب النصر الله حييل راقين و ذربين



العشا من الموفنبيك طلبته ل 100 شخص بس كان راقي و حييييييييييييييل عجب الناس

http://up2.q8yat.com/uploads/images/...ec137eb6cf.jpg



http://up2.q8yat.com/uploads/images/...932eb7e3e7.jpg



http://up2.q8yat.com/uploads/images/...d81d10f5bc.jpg



http://up2.q8yat.com/uploads/images/...8538a341f7.jpg







مادري نسيت شي و لا لا




عطوني رايكم http://www.q8yat.com/images/ehdaa_sm...h_s%287%29.gif عاد لا تفشلوني ترا اول موضوع لي بهالقسم و انا عروسة :eh_s(10):