ملابس حوامل ومرضعات ونفاس وبيبي .... تعالوا فيدوا واستفيدوا

السلام عليكم حبايبي

شخباركم ان شا الله طيبين

اليوم رحت لرد تاغ وعجبوني النفانيف الخفيفة الماكسي عندهم

وشريت منهم 3

وحسيت انهم يصلحون حق ترضيع وحق حوامل

الوانهم نعووومة وفيها نقشات ورود ونقش غريب

في منهم حفر وعلاق ونص كم

واسعاره اعتقد كان بخمسة

بس كيوووت حدهم وذربين

قلت افيد خواتي يستاهلون

ماكسي ذرب وطبعا حق شقتج تصلح حتى اذا ما كنتي حامل او نفاس

بس هاه يا بنات خامتهم باردة فأعتقد عقب النفاس يصلح عشان ما يدشجج هواء لأن لازم تتدفين

وعندكم همن فاشن مل والمستورة والجوهرة حلوييين ملابسهم حق المرضعة والحامل

تشكيلة كبيرة

وحبيت افيدكم بجمع بيروت في حولي همن يبيع شغلات حلوة

وعنده كفرات بالسرداب واطقم كثيرة وسوق يعني شعبي حلو وعندهم غشالة ملابس حق الياهل اللي تشيل كيلوين

وعندهم كشك ملافع حلوين وتصميم وسوق بمية فلس ومواعين واطقم جاي وقهوة حلوين وهمن حق البيت في شراشف طاولات واطقم كامله ذربة وعندهم كفرات معاريس نفس اللي بالنقرة بس يقل عنهم اظن بدينارين وعندهم بعد فوط تشكلية كبيرة واطقم نفر ونفرين فوط وارواب حلوين يصلحون حق عروس وطلعة نفاس


وبالنسبة لملابس النفاس اكتشفت رفيجة امي محل في الري عند بوابة الهدايا مو عارفة اسمه بالضبط لان اغراضي في بيت اهلي مو عندي بس شنو نفس ملوت النقرة وتدرون بجم ؟؟ بـ 6 و8 والله والوانهم حلوة رفيجة امي يايبتلي نفنوف نفاس فستقي فاتح ب 8 مادري 6 مو ذاكرة ووقتها بعد كان خصم


وعندكم لولو هايبر يا بنات ترا فيه اشياء حلوة للبيبي وكواليتي ممتاز شريت منهم لحافات للنونو ان شا الله وهمن مهادات وتبانات

وعندهم اظن ملابس تنفع للام مو ذاكرة

اي في عندكم بعد اسواق الشاهبندر بالفحيحيل اشياء حلوة ودراريع مخمل للحامل حلوين بس اختاري عاد عدل

حبيت افيدكم وانتوا بعد فيدوني وفيدوا خواتكم بالاماكن الزينة

:eh_s(17):

بغيبت اسالكم عن مكان اشتري منه سرير للبيبي حلو ونعووم الله يعافيكم اللي يكون سرير من فوق وتحت قاعده واياها سله عريضة خام

لا تقولون لي سنتر بوينت ولا النصار ما عجبوني متكرر

:eh_s(17):