* °♥ ˚ • ★ *˚روايتي الأولي : أرواح انباعت للشياطين--رواية سعودية* °♥ ˚ • ★ *˚

السلام عليكم:eh_s(17):
اليوم جيت لكم برواية غير عن كل الروايات.....
والصراحة هذي اول مرة انزل رواية بمنتدى :p
المهم بنزل البارتس كل جمعة عشان عندي جامعة (دافورة) ف لو سمحتم مابي كل شوي فين البارت
والصراحة نزلت اول اجزاء هذي الرواية بمنتدى اخر و من كثر الروايات مافي احد انتبه لروايتي, ف اتمنى
الاقي ترحيب منكم بنات :eh_s(22):
و ان شاء الله تعجبكم الرواية، سلام
✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼✼

[O]اليوم اشعلت بالقلب حزن وقهر ..
جرحتني ببرودة اعصاب وقلب من صخر

حاولت اسعدك وطولت معك السهر ..
كتبت لك احساس وفيضته نهر

سطرت الحروف وقلتها بهمس وجهر..
و بان غدرك بعد الحروف و ظهر

خوذي احساس قائد جيشه فيه غدر..
او سباح اخرجوه غريق وماشعر

يرجف خفوقي مثل مظلوم ماله ظهر..
او فقير كساه البرد مع ذل الفقر

دمعتي نزلت اقولها بكل فخر ..
اجرحي لين اموت دام جرحك بالظهر
**منقول**


[بارت 1]
قرية الواحة (قرية وهمية بشرق المملكة) الساعة 12ظهر
ماسكة سلتها الصغيرة اللي تلم البيض فيها، وراحت بيت الدجاج تلم لها كم بيضة عشان يسونها اللغدا، فتحت الباب الخشبي وفتحتو بقوة،اخلاقها مقفلة بقوة اليوم خصوصا بعد ما سمعت كم كلمة من امها وسمت بدنها. اخذت البيض وطلعت بسرعة للحوش الي عبارة عن مساحة كبيرة قدام بيتهم، فيها بيت الدجاج و بير يجبون الموية النظيفة منو. مسحت العرق من جبينها وتنهدت، اليوم انهد حيلها من تنظيف الحوش و مكان ما يرعون خرفانهم و غير الغسيل وشرً الهدوم. جلست على الكرسي اللي بنص الحوش. جا صوت اختها شمسا: خلصتي؟ ابتسمت قمرا بوجه اختها الصغيرة وردت: اية توى، والله مهي بحالة يا شمس، انهد حيلنا من هذي العيشة. جلست شمسا جمبها على الارض وردت وهي تلعب بل رمل: هذي قسمتنا وانا اختك،ان شاءً الله ربنا يفتحها علينا ونصير احسن. "انتو هنا يا بنات الكلب" لفو على امهم وتمتمت قمر بطفش: لا الله الا الله، مسكتها امها من شعرها بقوةوصارخت: تسبين فيني يا بنت عيسى، والله لا اوريكي، خذي المكنسة ونظفي الحوش،قاطعتها قمرا بالام: بس انا نظفتو، ضربتها امها على فمها و صرخت: نظفيييه مرة تانية و دفتها بقوة و دخلت بيتهم الصغير. مسكت شمسا ايد قمر و باستها: والله يا اختي ما تستاهلين. ابتسمت قمر بالام وراحت تشوف وين المكنسة.
تنهدت شمس ودخلت تشوف خوانها الصغار، لقتهم بلصالة يلعبون بسياراتهم القديمة. شافها فارس وابتسم ببراءة، راحت له وباسته بقوة، طالعها ماجد بستنكار وقال: يا ويلك لو بستيني! ضحكت شمس بقوة و غمزت بخبث: نها ها هاااااا تعال هنا مجود، ركص برا الغرفة و هو يصارخ: مني ببزر! شمس و فارس: هههههههههههههههههههه ^_^
دخل ابوهم وبيده اكياس : السلام عليكم. نطو فارس و شمس يسلمون على ابوهم ، شمس وهي تشيل اكياس الخضرا من ابوها و تحطها عل المطبخ الصغير اللي يطل على الصالة ,وترجع تجلس جمب ابوها وتقول: شلونك يبا عساك بخير؟ ابتسم لها ابوها بحب ومسح شعرها الطويل ورد: حمد الله يا بنيتي، اليوم كل الخضار اللي حصدناها انباعت بلسوق وجبت لكم شوي ذرة و طماطم، ما تدرين شلون الهم انزاح عن قلبي وانا ابوك. ردت بكل حب واحترام: جعلك دوم متهني يبا قول امين
ابو ماجد: اميين، الا وين قمورة؟
شمس بقهر: امي ابيوم طاقتها و مخليتها تكنس الحوش للمرة ثانية
ابو ماجدوهو يمسح شعره اللي غطاه الشيب: الله يسامحها امك، من تطلقت اختك وهي مطينة عشيتها، هذا بدال ما تروح تسنع ولد اختها اللي كسر قلب البنت
شمس بحزن والم على اختها: ادري يبا، الله يرزقها ان شاء الله
مسك يدها بحنان و قال: وانتي يا يبا، متى بتوافقين على ولد عمك سلطان،ترى للحين يبيك و شاريك يا بنتي
ردت بنفعال: لو قصو رقبتي ما راح اتزوجه! استغفر الله يبا! ترميني هل رمية الشينة! انا ما احب احش بل ناس بس امه تفقع المرارة، هي في بيتنا تقط حكي، شلون بلله اذا تزوجت ولدها! ضحك ابوها على انفعالها و قال: خلاص يا يبا ما راحافتح هذا الموضوع المهم روحي شوفي اختك لا هنتي
شمس: ان شاء الله وقامت
ابو ماجد ( يا رب خليهم لي )

ستوووب! تعريف باول عائلة بقصتي:
ابو ماجد(عيسي): 48 انسان طيب وعلى نياته، ضعيف الشخصية بس حنون و مسكين، فقير بس عمره ما احتاج لاحد. عنده مزرعة صغيرة يزرع فيها ويبيع .
ام ماجد ( سهيلة): 44 انسنة انانية و متسلطة، ما تحب احد ولا يهمها احد واهم شي عندها الفلوس، زوجت بنتها قمرا للولد اختها عشان الفلوس ولما طلقها حقدت على بنتها ( حطت اللوم على بنتها المجنونة) و بنسوف جشعتها بتوصلها لوين
قمرا: بطلة القصة، 24 ( انا ما اميل للشخصيات فائقة الجمال ف راح اكون واقعية) لونها حنطي و جسمها يميل للضعف الشديد، ملامحها حادة و عيونها متوسطة، تعتبر مقبولة بس احلى شئ فيها شعرها الاسود الطويل اللي يوصل نص ساقها، دمها خفيف و عنيدة بس بعد طلاقها صارت انسانة ثانية، ومع مرور الاحداث بنعرف تفاصيل طلاقها
شمسا: 22 ، يسمونها اهل القرية ( النصرانية) بسبب شكلها اللي ما يوحى انها من عايلة ابو ماجد، لونها ابيض يميل للحمرا و شعرها بني فاتح، وعيونها عسلي فاتح، مشكوك انها بنت حرام بس مافي احد من القرية يقدر يقول شي خوفا من لسان امها الطويل. انسانة جميلة والداخلها اجمل، ما كملت المدرسة بسبب اهانة البنات الدائمة لها بسبب شكلها الغريب و مع مروووور الاحداث بنتعرف عليها اكثر
اما ماجد(12) و فارس( 7) فهم اخر العنقود و دلوعين البيت وشمعته
✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷✷
نهاية البارت، رايكم باول بارت و قولو لي اكمل او لا:)
اختكم
NinaSky