ஐ๑ ஐ๑ تشيز كيك بالروب والكراميل ஐ๑ ஐ๑ஐ
هالحلو انا سبق ونزلته بموضوع لكن للأسف الصور انتهت مدتها ومو لاقية الموضوع
وسويت عليها بعض التعديلات اللذيذة
اللي باللون الوردي
لذيذ وسريع
انصحكم تجربونه
المقادير :
الطبقة (1)
بسكويت مطحون انا استخدمت دايجستيف علبة وحدة وسط
ثلاثة أرباع اصبع زبده (ذوبيها على النار)
ملعقة صغيرة كاكاو بودرة
شوية حليب سائل (عشان يسهل العجن بس )
تعجن مع بعض وترص في صينيه متحركه او اي صينيه فرن مربعة
الطبقة ( 2 )
2 علبه زبادي ( روب )
3 فناجيل سكر
7فناجيل حليب بودرة
2 جبن كيري
القياس بفناجيل القهوه
تخلطونها بالخلاطه وتصبونها على مقادير ( 1 )
وتدخلونها الفرن من فوق لحد ماتتماسك بس لا تتحمر وايد
( تقريبا 5 دقايق او اقل ) خليكم يمها لا تحترق
ثم طلعيها من الفرن تبرد شوية
الطبقة ( 3 )
كوب ماء ( يمكن استبداله بالجليب السائل)
1 كيس بودرة كريم كراميل
ملعقه صغيرة نسكافيه
توضع على النار تغلى ثم تصب على مقادير الطبقة ( 2 )
صبيها شوي شوي بالملعقه
وتراها بسرعة تجمد
دخليها الثلاجة تبرد ساعة على الأقل ثم قطعيها وقدميها مع الشاي او القهوة
وبالعافية
تسلم ايدي صح ؟؟؟؟؟:D :ggdw::ggdw:
