في حوار ساخن بين الرجال حول راتب الزوجه..!

بسم الله الرحمن الرحيم

هذا حوار ساخن حدث في احدى الجرايد حول راتب الزوجه وكان الكلام هل يحق للرجل ان يطالب الزوجه تساعده

بمصروف المنزل فكانت التعليقات كالاتي...!

الرجال الذين هم ضد مطالبه الزوجه بالانفاق كانت هذه ارائهم..!

×ياجماعه الرجال مسؤول عن مصروف البيت والعيال واذا الحرمه تبي تصرف من راتبها كان بها بس اهو مواجباري انها تصرف الرجال قوامون علي النساء بما انفقوا. ومعاش الحرمه لها وحدها
السليمان

×منو يقول هالحجي يا شباب، انتو حالات خاصة حريمكم ما تصرف معاكم، انا اعرف ناس حتى قروض ماخذة تسد ويا زوجها، القوامة للرجل واهو ملزوم يصرف ماخذ بنت الناس تربي عياله وتخدمه ببيته وفوق هذا يبي ياخذ معاشها ولا يعطيها شي، يبي ياكل ويمش ايده بالطوفة !!! صج رياييل آخر زمن،،،، هزلت
الكلام للمعلقين

×ياجماعه هذا حقها الشرعي انها تحتفظ بفلوسها
عمر

الرجال الذين مع مطالبه الزوجه بالانفاق كانت هذه ارائهم ..!

×إذا كان عندها ورث أو مال قبل الزواج فهي غير ملزومة أما إذا كان المال يأتي مقابل خروجها من بيت زوجها فهي ملزمة أن تشارك في مهام الأنفاق لأنها تأخذ من حق زوجها وأطفالها وإلا لماذا تعمل و لمن تعمل إن كان لنفسها فلماذا تتزوج
متعجب

×منو قال ان بهالزمن بقت حقوق للزوج المظلوم او قوامه للرجل الزوجه خذت كلشي وتبي تسيطر على كل شي شنو بتروح بيت الرجال ضيفه تبي اهو يخدمها وهي قاعده دلع وموضه وطلبات ماتخلص والزوج يصرف كل فلوسه وهي تجمع فلوسها كامله مكمله هذا تحايل موواجب عليها شرعا ان تشتغل اذا ماتبي تصرف على البيت خل تقعد طمع بلفلوس
مواطن

×يا عمي شنهو هذا يعني الريال يشتغل و يصرف فلوسه و مرته تشتغل و ما تصرف فلوسهاالا على نفسها و لا تراعي البيت و لا تربي العيال و تطلب خادمه تطبخ و تمسح و تربي ! هذا كار الاش (كلام فاضي )حلوه والله يعني هم تقصرين في واجباتك الاساسيه و هم تاخذين الفلوس كلها و الريال يضحي بكل شي ؟؟ عيل ليش مشتغله اصلا؟
محمد الحليل

×والله كلام المرأة الآن وخصوصا بالكويت ما تبي تساعد حتى ولو بدينار وتقول للرجل هذا بيتك وهذا تلفزيونك وهذي طوفتك وإنت ماخذني علشان أصرف عليك !!!!
Kuwaiti

×اعرف واحد يشتكي لي مرتة مدرسة تنام مبجر طبعا ... ومحملتة مسؤولية الطفل الرضيع من تنام لين تجي الخادمة 7 الصبح ... ومو راضية تجيب من راتبها خادمة ثانية زام ليل ... تقولة اذا بتجيب جيب انت .. هذي مسؤوليتك ... لقد نسي انة رجل ويمتلك السلطة ولدية خيارات كثيرة ... رجال ونساء آخر زمن ... !
ابو محمد][]





:eh_s(17):