فن الهايلايت ، تغلبي على خشمج العود، حنجج الطويل، يبهتج العودة .. و إلخ
hi
:D
هالقسم مادشه وايد خوفا على نفسي من الانحراف واشتري كل شي يكتبونه البنات :D
ثم ينتهي الامر بي مرفوسه من قبل زوجي الى خارج البيت، بعدما نقعد على بساط الفقر :D
في فن يعتبر فن اساسي بالمكياج
وهو فن الهايلايت ...
فكره هالشي يعتمد بالدرجة الاولى على اعادة هيكلة اعظام الوية من يد ويديد ..
الي تتمكن من هالفن ،، راح تقدر تغير ويهها 180 درجة .. ولا راح يبين انها مسويه شي!!
اشهر فنانة بدعت بالهايلايت اهيه كيم كادرشيان :
http://3.bp.blogspot.com/-ABI4HfKIXk...an-300x400.jpg
لو تلاحظوون .. ترى مكياج العين سهل، سموكي اسود وانتهى الموضوع
لكن ليش صاير واو ليهدرجة !!
بنشوف ان البلاشر و الكونسيلر الي تحت العين ، طريقتهم صايره روعه !!
هالحركة اهيه الي بزرت مكياج العين عندها ...
**
افضل اداة لتفنن بالهايلايت اهوه كريم كريولان بو اربع الوان :
http://www.enhanceu.com.au/component...8b867ce3f3.jpg
وطريقة توزيعه تكون بهالشكل :
http://t2.gstatic.com/images?q=tbn:A...i9hJLRVQFXD4Dm
هالكريم لو استخدم بالطريقه الصح، راح يتغلب على كل عيوب الويه ،،
وخصوصا الخشششششششم ...
الي يحبون حركة الخشم ترى مالكم غنى عن هالكريم بالمرة !!!
لانه يحتوي فاونديشن غامج ، ويكوّن لكم قاعده اساسية للظل البني الي بتخفون فيه الخشم ..
---
طريقة توزيعه الهايلايت بالصورة الي فوق طريقه عامة ،،
ولكن احب استعرض نوعين من الخشوم ، وطريقة التعامل معاهم عن طريق هالكريم بشكل خاص
( الصور من صنعي عن طريق الفوتوشوب )
الخشوم المثلثــــه :
http://www.iraqup.com/up/20120117/LU..._276529158.jpg
الخط الاحمر : اللون الغامج
الخط الازرق : اللون الفاتح
بتشوفون تركيز الغامج على مثلثه الخشم لان هاذي اهيه المنطقه الي نبي نخفيها.
الخشم الفلبيني و هم خشم السمر :
[IMG]http://im10.********************************************/2012-01-17/13267747593910.jpg[/IMG]
راح تلاحظون ان ماحطينا على مثلثه الخشم شي، لان اصلا هالخشوم قصيره
والهدف ان نخليها اطول ، وانحف .
وبنفس الوقت، الكونسيلر الابيض يبلش من عند اطراف الخشم لي الخد وتحت العيون
عشان نقص من عرض الخشم .
-------------
اما بالنسبة للي عندهم حنج نازل لي تحت ،،
فهاذي طريقة الهايلايت المستخدمه :
[IMG]http://im15.********************************************/2012-01-17/1326773986101.jpg[/IMG]
الفكرة انه ننحت الذقن ونصغره .. فحطينا الاساس الغامج تحت
وو تحت الشفايف حطينا اللون الفاتح، عشان نركز الاضاءه اهني
---------
الي ماعندهم خدود ،، فالهايلايت هم يعطيكم حلول :
[IMG]http://im15.********************************************/2012-01-17/1326773986872.jpg[/IMG]
بتلاحظون ان نحط اللوون الفاتح تحت العين ليمه المنطقه الي فيها اكس
و الاساس الغامج، نمشييه على عرض الاساس الفاتح ..
عشان نفتح مساحه بالويه ونسوي ايحاء انه عريض
-------------
الي يبهتهم عودة :
[IMG]http://im15.********************************************/2012-01-17/1326773986663.jpg[/IMG]
نستخدم درجتين للغامج، وحده صوب الشعر .. والثانيه، صوب الي نازل على اليبهه
بعدين نحط الفاتح من بين الحواجب ونمده لي نص اليبهه
والمنطقه الي بين الفاتح والغامج نحطلها بلاشر ... بعدين نمشي البلاشر على كل اليبهه
عشان يدمج الشغل كله .
----
للامانه ، انا سر مكياجي اهوه كريم كريولان بو اربع الوان ..
اول شي احط كريمي الاساس ..
بعدين اخذ مال كريولان واوزع الفواتح والغوامج نفس ماهوه محطوط باول صورة ..
بعدين عاد ابلش مكيااجي ... واختمه بالبلاشر،
وصلت نهاية موضوعي :eh_s(17):
