بعد الغياب اللي خذا حوول عامين==يابو فهد جتني وجات المصيبه
قالت ..الووه! وقلت..عفوامن الزين؟== قالت نسيت الصوت والله غريبه
وين الوعود ووين عهد المحبين== وين الكلام اللي زمان تحكيبه
والله (احبش مقدر انساش) يومين== مقدرعلى (فرقاش بعدش) مصيبه
(منساش) مادمنا على الارض حيين== واني لقلبك يابن (دبسه) قريبه
جيتك وقاسي الحب لا جيتك يلين== وارخصت انا روحي وقلبي وطيبه
ماكنت اصدق فيك حكي القريبين== ياما عذلوني عن هواك ونصيبه
صدقتك وفالحب ناس غشيمين== ادنات همسه في المشاعر تجيبه
لين انصدمت وشفت ماعافت العين== ساعة قريت افراح خاين حبيبه
على ((....)) كاتبين العناوين== وبواسطة ((واحد)) عساه الذهيبه
ساعة قريت وبعد ماجاه ردين== ضاقت بي الدنيا لو انها رحيبه
كن الحشا مغروز وسطه برمحين== مصيبة ياكبرها من مصيبه
قلت اصبري يابنت بقول حرفين== لاتاخذيني بالحكي والطليبه
(ابسئلش)..؟ منهو هجر خله سنين== وخلا الليالي الموحشات تغدي به
اسهر..انا.. والجرح.. والهم.. سالين== تحت القمر ((نوره)) لقلبي طبيبه
ماغير احاكي النفس وشلون ومنيين==صارت حياتي ياحياتي صعيبه
على الجفا كمل طريق على وين==لا تلتفت للي جروحه تعيبه
لا لا بعد مابيك لوك تموتين== طبعي لا فات الفال متبع سريبه
هذا اللذي عينت منك اللي اللحين==غير الهجر والصد وشتعتزيبه
