تبين ركبج بيضه وناعمه وبنفس لون جسمج ...حياج..

السلام عليكم بنات شلونكم شخباركم..

اليوم جايبتلكم خلطه حلوه للركب بس قبل لا اقولها بقولكم شغلات مهمه..

طبعا الخلطه انا استخدمها بس للركب والاكواع

تستخدمونها اقصي شي شهرين اللي ما يتغير لون ركبتها هذا دليل علي ان لون بشرتها جذي...

ترا الخلطه تعطيج لون جلدج الطبيعي اللي بيضه راح ترد الركب علي لونها واللي حنطيه ترد ركبتها للحنطي واللي سمره راح يتوحد لون الركبه مع الجسم..

يعني لا تفكرون ان السمره اذا حطتها لركبها بتصير قطنه مستحييييييييييييييييل..

خلصت من اللي بقوله الحين امشو علي اللي بقولكم لاني انا استخدمتها والحمدالله النتيجه طلعت معاي حلوه..

اللي نبيه كريم الدكوين فورت + كريم اليكاسال = كلهم بالصيدليه تحصلينهم
اسكينول بالبابايا او الليمون ونحط داخله ملعقة نشاء

اول شي قبل لا نخلط ونحط نسوي تست للحساسيه من الدكوين عشان ما يصير فيكم شي وتدعون علي بعدين :eh_s(11):

نحط علي اي جزء صغير الدكوين وننطر 24 ساعه اللي يصير فيها حساسيه قويه لا تستخدمه اما اللي يصير معاها احمرار قليل اللي شوي ويروح عادي


الحين نخلط الكريمين مع بعض ونحطهم بعلبه قزاز=زجاج ونحطها بالثلاجه وحزة الاستخدام نطلعاه نستخدم منها ونردها للثلاجه
طبعا الاستخدام قبل النوم..


قل لا نحط الخلطه علي الركب و الاكواع انظف الاكواع والركب بالاسكينول اللي ضفناله نشاء
وبعدين نحط الكريم علي الركب و الاكواع ونلبس بجامه قطن ونام

نقعد الصبح نغسل الركب والاكواع بصابونة البابايا بالقطع وبعدين نرطبها عدل عدل..

الحين النتايج راح تلاحظون ان اللون بداء يفتح معاكم كل ما استخدمتوها
تحسون بنعومه مع الترطيب
اللون ماراح يرد اذا تركتوها واستمريتو بالترطيب
اللي يرد لونها اللي تطلع بالخلطه بالشمس او ما تحط حمايه لركبها او اكواعها او اللي تهمل الترطيب

صج تقدرون تستخدمونها يوميا قبل النوم ولي وصلتو للنتيجه اللي تبون تقدرون تقطعونها


ديروووووووو بالكم تحطونها بالنهار ترا تقلبكم سووود وانتو كيفكم...

طبعا ما ابي منكم غير دعوه بظهر الغيب ان يتحقق اللي ابيه ...

واي استفسار من عيوني...:eh_s(22)::eh_s(22):