بنتك لامنه عوى الذّيب ذيــــــــــــــبه...

يابوي
جعلك للبقا والمكاسيب
عمري بدونك يالذّرا وش أبيبه؟؟



يابوي
تسأل عن شفاك المراقيب
طلعة سواتك للنّوايف غريبه!!



ليه المرض مايعرف الزّين والعيب؟؟
مايدري أنك للمخاليق هيبه..



أبسألك وشبه غزا وجهك الشيب؟؟
والقلب لايع والنواظر شحيبه!!!!



وش بك تحاتي لنوى الموت تغريب
تخشى علينا بالليالي الكئيـــــــبه..



خذ دلتك واركى على مسند الجيب..
وعطني شماغك بلثمه واحتمي به..



ونروّح لأرض بها العشب والطيب
وتسمع كلام (يالغلا) تحتفي به



يابوي بنتك لانحكى بالتجاريب
كـــــــــــل يشق لهيبه الصّيت جيبه..



يابوي ماني من سواة المخــاريب؛؛
اللّي تجيب لعلّية القوم خيبــــــــه..



وماني من اللّي لا مشت حفها الريب..
أنا من اللي مايدّنــــــــــــــس حليبه..



مرفوع شاني عن غرام المكاتيب..
وأكبر من أنني أرتضي بالحبيبه



أنا غرامي لابتدوا بالتّراحيب...
نفوس الأوادم في وجودي رحيبه



وإن كان زيني فتنه للمصاويــــب..
أحط وجهي بااللواهيب وحريقــــه..



زيني أبيعه وأشتري سمعة الطيب..
اسمن ينومس بالصّروح الذهيبه..



وإن كان عندي (بالحلا)شي صعيب
عندي جدود مارضت بالغليبه..


دموع القبايل في لقـــــــــانا مكاسيب..
كن المقابر لاحضرنا قريبـــــــــــــــه..



خضّبت لك كفي من العز تخضيب..
ورفعت راسي للنجوم الصّعيبه..



والله لأسدّك بالفعول المصـــــاليب..
والله لأشيلك بالرخا والمصيبـــــــه..



طلع
المعالي
مانحــــكم
للشوااااريب
بنــــــــــــــت
وأناطـــــــــــــــح
فــــــــــــــــــــــــ ــارس
القــــــــــــــــــــــ ــــــــــــــــوم
طيـــــــــــــــــــــــ ــــــــــــــــــــــبه. .



ويا شيخي أبشر لو تدور الدواليب
بنتك إلى نه عوى الذّيب ذيــــــــــــــبه...


مما رآآآق لي