ورد واشواك

[poet font="Simplified Arabic,4,black,normal,normal" bkcolor="transparent" bkimage="backgrounds/19.gif" border="double,4,gray" type=0 line=200% align=center use=ex length=0 char="" num="0,black" filter=""]
مالله خلق يابنت في جوف قلبين
القلب واحد والسوايا سواياك
والغلطه اني قلت لك بس تكفين
لقيت تكفى هي رخيصه بمبداك
وانا حسبت انك عليّه تراعين
ويهمك اني ماتكدر ولا انساك
واثرك طلعتي يابنيه بوجهين
بالوجه الا ول ورد والثاني اشواك
الله على قلبك قسى ليه مايلين؟
وانتي على هذا تقولين شكاك!
كنت احسب اني غاليٍ لكن الحين
اللي وسط قلبك طلع في محياك
ماكنت اريد إلا اناظرك يازين
واشوف بعيوني حلاوة مزاياك
وانتي رفضتي والعذر كيف بعدين؟
وشلون اكمل دنيتي دون دنياك؟
لكنّ رائد مايحبك تكونين
مثل اي وحده عابره وسط الافلاك
(______)انتي عارفه قدركي زين
في قلب رائد لاتظنين ينساك
مامرةٍ شكيت فيك تخونين
حاشاك ياحلوه ومليون حاشاك
وانا بودعكي وداع المحبين
واقول انا ياللاسف آه مقساك
ماكنت اظنك ترخصين وتبيعين
حتى القدر جانا موافق لرجواك
بُعد المسافه! وين دارك وانا وين؟
وكل الظروف القاسيه جات وياك
وعندي طلب واحد مع انك تقدرين
لكن انا خايف تقولين ماجاك
بطلبك لاتنسين رائد وتنسين
احساسه اللي صادقٍ دوم وياك
واذا سمعتي عن وفاتي لاتبكين
وادعي لي الرحمه من الله مولاك
واقول انا يارب تحفظ لي الزين
(______) اللي زينها من عطاياك
وصلوا على خير البشر حامل الدين
كثر النجوم الدايره وسط الافلاك
[/poet]

الدويبي

قليل هم من يبقون على الحب

و كثير من يبيعوونه

قصيدة رائعة

صح لسانك و سلمت اناملك

تحياتي لك

حســـــــــــــاسة

الله يسلمك ياحســــــــــــــــاســـ ـــــــــــــه
ويبارك فيك
وشكرا لك
اتمنى ان يروق
للجميع ماكتبته
من احرف بسيطه


اخوك / الدويبي

صح لسانك يا شاعرنا المميز

أخي الغالي / الدويبي

أحيان الإنسان يحمل الود والمحبة لشخص ,, ولا يجد منه سوى القسوة ....

واثرك طلعتـي يابنيـه بوجهيـن
بالوجه الا ول ورد والثاني اشواك

تصوير جميل ,, وإسلوب رائع ,, وقدرة هائلة على استحضار الألفاظ ,,

كل الشكر لك على إهدائنا هذه القصيدة

دمتَ مبدعاً ,,

أخوك / سهم المنايا

شكرا اخوي / سهم المنايا
على ترحيبك الدائم
ومتابعتك المتواصله
والله يعطيك الف عاقيه


اخوك

الدويبي

اخوي الدويبي صح السانك وقصيده جزله ولاهنت

والله يعطيك العافيه

شكرا لك من كل قلبي
وصح الله بدنك وقلبك
تحياتي لك


اخوك


الدويبي

أخوي الدويبي

صح لسانك يالغالي وسلمت هذه الأنامل

تحياتي لك

الله يسلمك وصح الله بدنك وقلبك يالغالي
وتستاهلون اكثر من كذا
وشكرا لك

اخوك

الدويبي