حلم بنت خالي فيني..

السلام عليكم ورحمة الله وبركاته..
الله يسعد صباحكم يالغالين في اغلى منتدى على قلبي..
حبيبتي بنت خالي حلمت اني انا وهي اسمها منال واختها مريم وبنت عمي كنا رايحين المطار وراكبين الطياره بنروح لجده الا بنت عمي تنزل وقالت ماراح اروح كأنها بتقعد مع زوجها ماتبي تسافر فقالت لها منال خلي نواف يجي معنا قالت اشوف والغت الرحله ورجعت وانا ابدا ماتكلمت معها
اما انا وهي واختها فجلسنا بالطياره هم قدامي ( منال ومريم ) وانا بالكرسي اللي وراهم وتقول انهم خايفين من الطيارعه لانهم اول مره يسافرون وانا جالسه وراهم واقولهم لاتخفون انا دايم اسافر واطمنوا.. تقول انتي اصريتي علينا الا نسافر معك وكنتي حيييل مهتمه فينا وكنتي لابسه بنطلون جنز كحلي وبلوزه بيضاء طويله لين الركبه.. بس تقول كنتي حيييييل مهمومه والهم واضح عليك.. وتقول انا تطمنت منك وطارت فينا الطياره وصيحت.. انتهى
منال بنت غير موظفه مريم متزوجه غير موظفه انا بنت موظفه..

الحلم الثاني .. حلمت فيني بنت خالتي ( اشواق )اني انا وياها رايحين نشتري احجار كريمه نفس اللي نشتريها اذا رحنا مكه ونصب عليها ذهب والغريب انا رحنا نشتريها من صديقاتها منال ونوال وتقول اني اخذت انا وحده لونها تايقر بأزرق واخذت معها تعليقه طويله وتقول كانت حلوه مره بالحلم.. وتقول انها هي ماشرت وانتهى الحلم
اشواق متزوجه وعندها ولد وحامل انا بنت وموظفه..
مع شكري وتقديري لمجهودكم ..