تخيلات زحفان حصرياً على الصرقعه ....

تخيلات زحفان حصرياً على الصرقعه ....
يؤؤؤ انا على الهوا ؟؟

مرحبااا شله

مراات احس ان تفكيري جاايب ام العيد (قلت مراات مو دايم) .. انتو بعد تحسوون كذا بتفكيركم صح؟؟

قولو صح تكفوون لا تشككوني في نفسي

المهم بعطيكم بعض من التصورات اللي تجيني

يالله تعالو تخيلو معي

اولا تخيل عزيزي انك تجي لبيتكم يوم من الايام وتلقى امك حاطه لوحه على باب بيتكم مكتوب عليها (( للعائلات فقط )) وش راح تسوي
هل تنتظر وحده من جيرانكم تطلع وتقول لها لو سمحتي دخليني معك بالله
ام انك تسال اي واحد من اخوانك الصغار (( وين قسم العزاب لو سمحت ))
والا انك تقول فكه منكم ومن بيتكم وترجع للشباب بالراشد او بالتحليه او على الكورنيش وتفل امها وتعطي البيت الخامس ؟؟؟؟؟؟ او عندك اجابه ثانيه بالله اكتبها

**************************************
معروف ان الشباب يكتبون على سياراتهم كتابات مثل : (( باك اووف BACK OFF )) على باله خطير ولا تقرب منه وبعضهم يكتب رحلة عذاب ((سلم لي على هذولا بالله )) واللي يكتب لك وينك يا مضاوي ولو تساله منهي مضاوي قال اي مضاوي يابو الشباب ويطلع ما يعرفها
تخيل عاد انهم يسمحون للبنات انهم يسوقون وكل وحده يصير عندها سياره ابيكم تطلقون العنان لعقولكم وتقولون لي وش ممكن البنات يكتبون على سياراتهم مثلا ممكن يكتبون ((ياروحي يا لاسينزا )) ههههههه هذي قالتها لي وحده بالشات

**************************************
طيب خلونا يا شباب نتخيل انهم عينوا واحد منكم مدير مدرسة بنات ((( حطوني انا حراام لا يروحون فيهاا ))) ابيك تقول لي وش اول شئ ممكن تسويه بالمدرسه من قرارات اداريه بالمدرسه عشان تعقد البنات يعني مثلا تمنع اكل العلك بالمدرسه (( يعني اللي تاكل علك يشربونها احلى كوكتيل فلاش وكلوروكس)) هههههههههههههه طيب شوفوا لنا قرار غيره ..

***************************************
طيب تخيل انك ليلة زواجك وبعد الزفه والخربطه والزيطه والزمبليطه رحت لقفص السعاده (( على وزن بوفيةالسعاده )) وبعد ماتدخل ومعك زوجة المستقبل (( المستقبل والا قناة البحرين)) المهم وانت جالس تسولف مع البنيه تنقطع الكهرباء وانت مافيه امل تطلع من الشقه لو على رقبتك ..وفيه شباب متهاوش معهم من ايام الابتدائية اكبرو وصارو ابطال المملكه في التيكواندو واحلفو انهم ياخذون حقهم ليلة زواجك عشان ما تدخل على زوجتك.. وهم يبونك تطلع لعداد الكهرباء لانهم هم اللي فصلوا الكهرباء من العداد اللي عند الباب ويرسلون لك رساله على الجوال مكتوب فيها (( ولع اللمبه ياجبان ها ها ها)) ؟؟؟
هل .... تنزل وتبيعها بتراب وتروح تولع الكهرباء وعلي وعلى اعدائي ..... او تبلع العافيه وتولع لك شمعه وترقعها للبنت انك تبي تسوي جو رومانسي؟؟.....
او انت لك راي ثاني ...... بالله عطني اياه
وانتي عزيزتي لو كنتي مكان الزوجه وشفتي زوجك بهالجبن ويش راح تسوين؟؟

****************************************
تخيل انك نايم في امان الله وتحس بحاجه على خشمك تمشي وصحيت من النوم تحسبها ذبانه ولما تفتح عيونك تلقاها قطوة اخوك الصغير مقربه من وجهك مرررررررره الين لمست شنباتها خشمك وهي حاطه عينها بعينك ..ويش تكون ردة فعلك ( مع العلم انك قلت لاخوك مليوون مرره فكنا من هالقطوه)
هل تطبطب على القطوه وتجلس تلعب معاها علما بان الساعه 3 بعد منتصف الليل وعندك دوام ومانمت انت الا الساعه 1 بالليل
ام انك تقوم تنكد على اخوك الصغير نومته وتقول له قم خذ قطوتك لاارميها من فوق السطح
ام انك تاخذك اخوك الصغير بنفسه وترميه هو من فوق السطح

/\/\/\/\/\/\/\/\/\/\/\/\/\/\/\/\/\

يالله لا تبخلون علينا باجاباتكم

هيا بنا هيا

ههههههههههههههههههههههههه ههههههههههههههه
بالنسبة للأول بقول أمي أنا أهلي داخل ,, ورحت أدور للسيارة مكان وجيت ,,

وقول لها بكل خجل (( ممكن أدخل لو سمحتي )) << يا عيني يا الأدب :)


========================

أنا أتوقع لو البنات يسوقون كان تلقى وحدة كاتبة على سيارتها (( حصيصة دوت كوم )) << على بالها موقع خاص فيها
والثانية كاتبة (( النوم ساس اللوم )) << وش عندها ذي
والثالثة كاتبة (( يا جباااان أظهر وبااان )) :(

===========================

لو أكون مدير مدرسة بنات ,,
أول قرار إداري ما فيه فسحة ,, واحط لهم تسع حصص في اليوم
والزي الرسمي في المدرسة لونه برتقالي مخطط بأخضر << بردقان مو طالبات :)
والحذاء (( زنوبات )) ,,

==========================

لو أنا مكان الزوج الجبان هذا ,,, رديت على اللي تحت يتنظروني برسالة أقول فيها (( ممكن نتفاهم في مكان بعيد عن البيت علشان الأولاد ينامون )) << نصاب أول ليلة في زواجه من وين له عيال :(
وإلا أطلع لهم مع النافذة وأقول (( يقولون رخمة ولا يقولون الله يرحمه )) طبعاً زوجتي بتقول من اللي تتكلم عنه ,, أرد عليها وأقول (( لا هذي جملة تعودت اقولها قبل أنام والكهرب مقطوع !!! ))

====================

بالنسبة لقطوة أخوي الصغير المزعجة ,,,
هذي بطبط على راسها ,, واشيلها بكل حنية ,, وأحطها على فراش ناعم ,, وأروح المطبخ أجيب لها حليب في قدر ,, وأشرب أنا الحليب ,, اصكها بالقدر على راسها ,, ما عاد إلا هذي تصحيني تالي الليل ,,
ثم أروح لأخوي الصغير ,, وأحب راسه ,, وأمسح على شعره ,, ثم أعض أصبع رجله عضة قوووية ,, يتوب بعدها يفكر يمشي جنب قطو مو عاد يربيه ,, يستاهل :)

أتمنى إني أكون قد وفقت في إجابتي ,, <<< يحسبه اختبار لا تواخذه :)

تحياتي لك اخوي الزاحف

أخوك / سهم المنايا

السلام عليكم ورحمته الله وبركاته


الزاحف كيف الحال



من جد الله يرجك

ههههههههههههههههههههههههه ههههه



ولا يهون الناطق الرسمي



يسلموووووووووووووووووووو

زاحف والله أنت رهيب من جد

بالنسبة لسيارتى بأكتب عليها(( ابوجدك يالروقان)) |13|

ولو صرت مدير على مدرسة بأنزل تعميمم أنى اصير المرشد وأحل كل مشكلات البنات وهاتك ياحل....

طبعاً لو أنا محل العروسة يازحيفان وش بسوى؟

باقو له لصرت ذيب يله اطلع لهم

وأحفز فيه الين يطلع ويرقونه ويردونه مرقوق مع شوى مراصيع |12|

وبالنسبة للموقف الخير مابعلمك خخخخخخخخخ

سلاااااااااااااااام لاحسن زاحف فى العالم وخصوصا وهو مررررررروق ومسوي فيها بوفية التعاسة كححححححححح قصدى السعادة

يعطيك العافيه يالزاااااااااحف على موضوعك اللي لينمالقيت لي احد اطلع معه وصرت طفشان تطلع لي تخيلات مايمديك عليها..
والله لو يحطون على بيتنا للعوائل لاكتب عليه مصنع اسلحه دمار شامل مابقى الا بيتنا يصير للعوائل فقط.
اما لو اصير مدير مدرسة بنات لاغير الزي حقهم واحط اللون فسفوي وابيض وازرق نيلي وابه حمرا وشرايط رصاصي وشرابات زرقاء ويجون حافين وامنعهم من الشباصات.
وبعدين لو ساقو البنات كان يكتبون على القزازه الخلفيه (ياروحي ياسوق صحارى)
اما ليلة زواجي بقول للمدام انهم اعلنو في التلفزيون انهم بيطفون الكهرباء على الرياض كلها واستريح.
اما القطوه فموضوعها موضوع ثاني
<<<<<<<<<خواف من القطاوه.
بقول لها اطلعي واللي يرحم والديك والوعد لين شفتك في الشارع وانا بالسياره.
ومشكور اخوي.......

بالنسبة للأول

برجع للاستراحة




========================

أنا أتوقع لو البنات يسوقون كان تلقى وحدة كاتبة

(( مرة عماد ومره فؤاد ..... اقولك هيييييييييه بس عاد ))
===========================

لو أكون مدير مدرسة بنات ,,

الغاء الزي الموحد :) <<<< اول قرار
==========================

لو أنا مكان الزوج الجبان هذا ,,,
بقول لحرمتي (( مهو لازم نور يكفي نورك ياقمر :) )) <<< دورها عاد

====================

بالنسبة لقطوة أخوي الصغير المزعجة ,,,


بقول للقطوة (( سهم جا سهم جا )) << خارش الكلاب والقطاوة